ஆதம்பாக்கத்தில் மின்சாரம் தாக்கி இளைஞர் உயிரிழப்பு

சென்னை: ஆதம்பாக்கத்தில் உள்ள அடுக்குமாடி குடியிருப்பில் மின்தூக்கி பொருத்தும் பணியில் ஈடுபட்டிருந்த இளைஞர் மின்சாரம் தாக்கி உயிரிழந்தார்.

சென்னையை அடுத்த ஆதம்பாக்கம் ஏ.ஜி.எஸ். காலனி முதல் தெருவில் உள்ள அடுக்குமாடி குடியிருப்பில் மின்தூக்கி பொருத்தும் பணிகள் நடைபெற்று வருகிறது. இங்கு முவரசம்பேட்டையைச் சேர்ந்த நித்தியானந்தம்(20) என்பவர் மின்தூக்கியை பொருத்திக் கொண்டிருந்தார்.

அப்போது எதிர்பாராதவிதமாக மின்சாரம் தாக்கியதில் தூக்கி வீசப்பட்ட அவர் சம்பவ இடத்திலேயே பரிதாபமாக உயிரிழந்தார். தகவலறிந்து சம்பவ இடத்திற்கு வந்த காவல் துறையினர் உடலை கைப்பற்றி உடற்கூறாய்வுக்காக குரோம்பேட்டை அரசு மருத்துவமனைக்கு அனுப்பி வைத்தனர். பின்னர் இது தொடர்பாக வழக்குப்பதிவு செய்து விசாரணை மேற்கொண்டு வருகின்றனர்.

இதையும் படிங்க:மின்சாரம் செலுத்தி மனைவியை கொலை செய்ய முயற்சி: 5 மாதம் கழித்து இளைஞர் கைது