சென்னை அயனாவரத்தில் இருந்து கோயம்பேடு நோக்கி இன்று அதிகாலை 4.30 மணியளவில் ஷேர் ஆட்டோ ஏழு பேரை ஏற்றிக் கொண்டு கோயம்பேடு மார்க்கெட்டுக்கு சென்று கொண்டிருந்தது. அண்ணா நகர் ரவுண்டானா அருகே சென்று கொண்டிருந்தபோது, பின்னால் வந்த வேன் வேகமாக ஆட்டோ மீது மோதியதில் ஆட்டோ நிலைதடுமாறி கவிழ்ந்தது.
இதில், ஆட்டோவில் பயணித்த ஏழு பேருக்கு படுகாயம் ஏற்பட்டது. இதுகுறித்து, அண்ணா நகர் போக்குவரத்து காவல்துறையினருக்கு தகவல் அளிக்கப்பட்டது. இதனையடுத்து, சம்பவ இடத்தில் வந்த காவல் துறைுயினர், படுகாயமடைந்தவர்களை மீட்டு கீழ்ப்பாக்கம் அரசு மருத்துவமனையில் சிகிச்சைகாக சேர்த்தனர்.
இதில், அயனாவரத்தை சேர்ந்த அரசு (65), ரவி (40), கவியரசு (37), பச்சையம்மாள் (56), திலகவதி, கோகிலா(40), கலையரசி(54), சுகுணா(54) ஆகிய எட்டு பேருக்கு காயம் ஏற்பட்டது. இதுகுறித்து அண்ணா நகர் போக்குவரத்து காவல் துறையினர் வழக்குப்பதிவு செய்து வேன் ஒட்டுனரான வேலூர் மாவட்டத்தை சேர்ந்த ரமேஷ் (38) என்பவரை கைது செய்து விசாரணை செய்து வருகின்றனர்.
