'ராயல் என்பீல்டில் அருள்பாலிக்கும் விநாயகர்' - தலைக்கவசம் அணிய விழிப்புணர்வு!

சென்னை: தலைக்கவசம் அணிந்து வாகனம் ஓட்டுவது போன்று வைக்கப்பட்டுள்ள விநாயகர் சிலை அனைவரின் கவனத்தையும் ஈர்த்துள்ளது.

சென்னை பூந்தமல்லி ஆஞ்சநேயர் கோயில் தெருவில் அப்பகுதி இளைஞர்கள் சார்பில் 10-ஆம் ஆண்டு விநாயகர் சதுர்த்தி விழா கொண்டாடப்பட்டு வருகிறது.

அங்கு முற்றிலும் வித்தியாசமான முறையில் சமூக விழிப்புணர்வு ஏற்படுத்தும் வகையில், அனைவரும் தலைக்கவசம் அணிந்து வாகனம் ஓட்ட வேண்டும் என்பதை வலியுறுத்தி சாலைபாதுகாப்பு ஏற்படுத்தும் விதமாக விநாயகர் சிலை ஒன்று வைக்கப்பட்டுள்ளது. அந்த விநாயகர் ராயல் என்பீல்டு இருசக்கர வாகனத்தில் தலைக்கவசம் அணிந்து இயக்குவது போன்று சிலை அமைக்கப்பட்டுள்ளது.

இந்த நூதன முயற்சி அப்பகுதி மக்களிடையே பெரும் வரவேற்பை பெற்றுள்ளது. மேலும் சிறுவர்கள், பெண்கள் என அனைவரும் சாமி தரிசனம் செய்வதோடு உற்சாகமாக செல்பி எடுத்து செல்கின்றனர்.