திருச்சி: லால்குடி அருகே பள்ளி மாணவிக்கு நேரிலும் செல்போனிலும் பாலியல் தொல்லை கொடுத்த மார்க்சிஸ்ட் கம்யூனிஸ்ட் கட்சியின் லால்குடி ஒன்றிய செயலாளர் ஜெகதீசன் மீது போக்சோ சட்டத்தின் கீழ் வழக்குப்பதிவு செய்த காவல்துறையினர், தலைமறைவாக உள்ள அவரை தேடி வருகின்றனர்.
லால்குடி அருகே மருதூர் கிராமத்தை சேர்ந்தவர் ஜெகதீசன் (41). இவர் மார்க்சிஸ்ட் கம்யூனிஸ்ட் கட்சியின் லால்குடி ஒன்றிய செயலாளர் ஆக பதவி வகித்து வருகிறார். இவருக்கு திருமணம் ஆகி மனைவி மற்றும் இரண்டு பெண் குழந்தையும் உள்ளனர். இவர் 11ம் வகுப்பு மாணவிக்கு நேரிலும் செல்போனிலும் பாலியல் தொல்லை தொடர்ந்து கொடுத்து வந்துள்ளதாக கூறப்படுகிறது.
இது குறித்து மாணவியின் தந்தை உரிய ஆதாரத்துடன் லால்குடி அனைத்து மகளிர் காவல் நிலையத்தில் புகார் கொடுத்தார். அதன் பேரில் லால்குடி அனைத்து மகளிர் காவல்துறையினர், ஜெகதீசன் மீது போகோ சட்டத்தின் கீழ் வழக்கு பதிவு செய்து தலைமறைவாக உள்ள அவரை தேடி வருகின்றனர்.
இதையும் படிங்க: சிறுவர்களை போதை பொருட்களை உபயோகிக்க வற்புறுத்திய இளைஞர்கள்..
