நீட்டை துரத்த மக்களால்தான் முடியும்: ஓய்வுபெற்ற நீதிபதி அரிபரந்தாமன் - Rtd Judg

சென்னை: நீட் தேர்வை துரத்த மக்களால்தான் முடியும் என ஓய்வுபெற்ற நீதிபதி அரிபரந்தாமன் தெரிவித்துள்ளார்.

NEET

Published : Apr 6, 2019, 10:34 AM IST

சென்னை தேனாம்பேட்டையில் 'நீட் அபாயம் நீங்கி விட்டதா?' என்ற நூல் வெளியீட்டு விழா நடைபெற்றது. இதில் ஓய்வுபெற்ற நீதிபதி அரிபரந்தாமன் சிறப்பு விருந்தினராக கலந்து கொண்டு நூலை வெளியிட்டார்.

இந்த விழாவில் சிறப்புரையாற்றிய அவர், தனியார் கல்வியை ஒழிப்பதற்கும், நீட் ஒழிப்பிற்கும் தொடர்பு உள்ளது என்று தெரிவித்தார். பாரதிய ஜனதா கட்சியைச் சேர்ந்த சுப்பிரமணியன் சுவாமி நீட் கண்டிப்பாக இருக்கும் என்று ஆணவத்தோடு பேசுகிறார் என்று சாடினார்.

நுழைவுத் தேர்வுகள் அதிக பயிற்சி மையங்களுக்கு வழிவகுக்கும் என்றும், 17 வயது மாணவனுக்கு அதிக சுமையை நீட் தருவதாகவும் குறிப்பிட்டார். கல்வி தற்போது வியாபாரம் ஆகிக்கொண்டிருப்பதாகவும் வருத்தம் தெரிவித்தார்.

நீட்டை துரத்த மக்களால்தான் முடியும் என்றும், காங்கிரஸ் வந்தால்கூட வேறு பெயரில் நீட் தொடர்ந்துகொண்டு தான் இருக்கும் என்றும் தெரிவித்தார். காங்கிரஸ் 40 ஆண்டுகளில் செய்ததை தற்போதைய ஆட்சியாளர்கள் 5 ஆண்டுகளில் செய்துவிட்டதாகவும் சாடினார்.

அதிகார குவியலை தடுப்பதற்காகவே இங்கு இவ்வளவு போராட்டம் நடப்பதாகவும், நீட் தேர்வுக்கு பதிலாக மருத்துவம் படிக்க பிளஸ் 2 மதிபெண்ணை எடுத்துக் கொள்ள வேண்டும் எனவும் அவர் வலியுறுத்தினார்.

மகாத்மா காந்தி கொலையாளிகளின் விடுதலையை ஆதரித்தவர்கள் 7 பேர் விடுதலையை எதிர்க்கிறார்கள் என்று ஓய்வுபெற்ற நீதிபதி அரிபரந்தாமன் சாடியுள்ளார்.

பாரதி புத்தகாலயத்தின் 'நீட் அபாயம் நீங்கி விட்டதா?' என்ற நூல் வெளியீட்டு விழா தேனாம்பேட்டையில் நடந்தது. நூலை வெளியிட்டு சிறப்புரையாற்றிய ஓய்வுபெற்ற நீதிபதி அரிபரந்தாமன் பேசுகையில், தனியார் கல்வியை ஒழிப்பதற்கும், நீட் ஒழிப்பிற்கும் தொடர்பு உள்ளது. நீதித்துறையில் சமூக நீதி கிடையாது. கல்வியை தனியார் மயமாக்கும் சட்டத்தை ஒப்புக்கொண்டவர்கள் நீதிபதிகள்தான். தனியார் கல்வி மயம் என்பது அடிப்படை உரிமை என்கின்றனர். ஆனால் அனைவரும் கல்வி கற்க வேண்டும் என்று அடிப்படை உரிமை இல்லை. மருத்துவத்துக்கு 2 சட்டம் இயற்றியுள்ளனர். நமது அரசியலமைப்பு சட்டம் கூட்டாட்சி தத்துவத்தை மீறி விட்டது. 1935 வது வருடத்தில் ஆரம்பிக்கப்பட்ட சட்டத்தின்படி கல்வியை பொறுத்த வகையில் மாகாணத்துக்கு(மாநிலம்) மட்டுமே அதிகாரம். மத்திய அரசு (பிரிட்டிஷ் அரசு)க்கு அதிகாரம் இல்லை. 1950ல் இதை மீறிவிட்டனர். இந்த சட்டத்தையும் தற்போதைய அரசியல்வாதிகள் மீறிவிட்டனர். அதனால் அதிகார பகிர்வு இல்லாமல் நீட் புகுத்தப்பட்டது. முழுக்க முழுக்க மத்திய அரசின் கீழ் கொண்டு வரும் நடவடிக்கை இது. சுப்ரமணிய சாமி பேசும்போது நீட் கண்டிப்பாக இருக்கும் என்று ஆணவத்தோடு பேசுகிறார். பாடத்தில் பூஜ்ஜியம் வாங்கினாலும் நீட்டில் அதிக மதிப்பெண் எடுத்தால் மருத்துவம் படிக்கலாம். தமிழகத்தில் அதிக மருத்துவக்கல்லூரி இருக்கிறது. நுழைவு தேர்வுகள் அதிக பயிற்சி மையங்களுக்கு வழிவகுக்கும். 17 வயது மாணவனுக்கு அதிக சுமையை நீட் தருகிறது. கல்வி என்பது வியாபாரம் ஆகிக்கொண்டிருக்கிறது. நீட் தேர் நமது பன்முகத்தன்மையை அழிக்கிறது. நீட்டை துரத்த மக்களால்தான் முடியும். காங்கிரஸ் வந்தால்கூட வேறு பெயரில் நீட் இருக்கும். காங்கிரஸ் 40 ஆண்டுகளில் செய்ததை இவர்கள் 5 ஆண்டுகளில் செய்துவிட்டனர். அதிகார குவியலை தடுக்கதான் இங்கு இவ்வளவு போராட்டம். நீட் தேர்வுக்கு பதிலாக மருத்துவம் படிக்க பிளஸ் 2 மதிபெண்ணை எடுத்துக் கொள்ள வலியுறுத்த வேண்டும். எனவே முதல்வர், து ணைமுதல்வர் இதை மத்திய அரசிடம் வலியுறுத்த வேண்டும். இது தான் தமிழக க்களின் கோரிக்கை. இது மக்களின் சுயமரியாதை சம்பந்தப்பட்ட விஷயம், என்றார்.

பின்னர் இடிவி பாரத் செய்திகளுக்கு அவர் அளித்த பேட்டி: நீட் தேர்வு ரத்து என்பதை காங்கிரஸ் சொல்லியிருப்பது மகிழ்ச்சியான விஷயம். தமிழகத்தின் கோரிக்கையைதான் காங். சொல்லியுள்ளது. வேறு எங்கும் நீட்டை எதிர்த்து போராட்டம் நடக்கவில்லை. இங்குதான் நீட்டை எதிர்த்து மிகப்பெரிய போராட்டம் நடக்கிறது. அதற்கான தேவையும் இங்குதான் உள்ளது. நீட்டை எதிர்த்த அதிமுக தற்பொழுது அதற்காக சட்டம் இயற்றுகிறது. நீட்டை தமிழகத்தில் விலக்கக்கோரி தமிழக சட்டசபையில் சட்டமாக்கப்பட்டு மத்திய அரசின் ஒப்புதலுக்கு அனுப்பியுள்ளது. ஆனால் 2 வருடங்களாக மத்திய அரசு காலந்தாழ்த்தி கூட்டாட்சி தத்துவத்தை காலில் போட்டு மிதிக்கிறது. இதேபோன்று காங்கிரஸ் ஆட்யிலும் பல்வேறு சட்டங்களுக்கு காலம் தாழ்த்தப்பட்டுள்ளது. 7 பேர் விடுதலைக்கு தமிழக அமைச்சரவை முடிவெடுத்து கவர்னர் ஒப்புதலுக்கு கொண்டு போயுள்ளது. இதுவும் நீட் சட்டத்தை போன்று கவர்னர் எதுவும் சொல்லாமல் அமைதி காத்து வருகிறார். அமைச்சரவை முடிவெடுத்து அந்த 7 பேரை விடுவிக்கலாம் என உச்சநீதி மன்றமே உத்தரவிட்டுள்ளது. ஆனாலும் அவர்கள் தமிழர்கள் என்பதால்தான் அவர்களுக்கு விடுதலை இல்லை. மகாத்மா காந்தி கொலையில் ஆயுள் தண்டனை பெற்ற கைதிகள் 16 ஆண்டுகளில் விடுவிக்கப்பட்டனர். நேரு இறந்த உடன் அவர்கள் விடுவிக்கப்பட்டனர். அந்த விடுதலையை ஆதரித்தவர்கள் இந்த விடுதலையை எதிர்க்கின்றனர். என்றார். Visual are sent by app.

For All Latest Updates