சென்னை விமான நிலைய பன்னாட்டு முனையத்தில் பயணிகள் நுழைவுவாயில் பகுதியில் நீண்டநேரமாக பை ஒன்று தனியாகக் கிடந்தது. ரோந்தில் இருந்த பாதுகாப்புப் படை வீரர்கள், விமான நிலைய மேலாளருக்குத் தகவல் கொடுத்தனர். இதையடுத்து அந்தப் பை குறித்து ஒலி பெருக்கியில் அறிவிக்கப்பட்டது. ஆனால் அந்தப் பைக்கு யாரும் உரிமை கோரவில்லை.
இதனால், அந்தப் பையில் வெடிக்கக்கூடிய பொருள்கள் ஏதேனும் இருக்கலாம் என்ற சந்தேகம் எழுந்ததையடுத்து உடனே வெடிகுண்டு நிபுணர்கள், மோப்ப நாய்கள் வரவழைக்கப்பட்டன. சோதனைச் செய்ததில் அந்தப் பையில் வெடிக்கக்கூடிய பொருள்கள் ஏதுமில்லை என்பது தெரியவந்தது.
பின்னர் வெடிகுண்டு நிபுணர்கள் பையை விமான நிலைய காவல் துறையினரிடம் ஒப்படைத்தனர். இதனால் சென்னை விமான நிலையத்தில் சிறிது நேரம் பரபரப்பு ஏற்பட்டது.
இதையும் படிங்க: பெரியார் பகுத்தறிவு பகலவன்... ரஜினி அதைத் தவிர்த்திருக்கலாம் - ராமதாஸ் கருத்து
