சென்னை: சந்திரயான்-3 மற்றும் லூனா-25 இரண்டும் விண்கலங்களும் தற்போது இறுதி கட்டத்தை நெருங்கி உள்ளna. இதில் முதலில் தன் இலக்கை அடையப்போவது யார் என்பது நாம் பொறுத்து இருந்து தான் பார்க்க வேண்டும்.
பூமியின் துணைக் கோளாய் இருக்கும் நிலவை, உலகத்தின் பல்வேறு நாடுகள் கடந்த 1958ஆம் ஆண்டில் இருந்து இதுவரை இந்தியா, அமெரிக்கா, ரஷ்யா, ஜப்பான், சீனா போன்ற நாடுகள் நிலவை குறித்து பல்வேறு ஆராய்ச்சிகள் நடத்தி வருகின்றன. இதில் உலக புகழ்பெற்ற நாசா கடந்த 64 ஆண்டுகளில் மேற்கொண்டு உள்ள நிலவு தொடர்பான ஆராய்ச்சி திட்டங்களில் 40 சதவீதம் தோல்வியைத் தான் சந்தித்து உள்ளது. உலகின் முதல் முறையாக அமெரிக்கா தான் நிலவு ஆராய்ச்சித் திட்டத்தை நடத்த முயற்சி செய்தது.
கடந்த 1958ஆம் ஆண்டு ஆகஸ்ட் மாதம் 17ஆம் தேதி நடத்திய திட்டத்தில் அமெரிக்கா முதல் தோல்வியை சந்தித்தது. 1959ஆம் ஆண்டு ஜனவரி 4ஆம் தேதி லூனா 1 விண்கலத்தை வெற்றிகரமாக நிலவில் செலுத்தியது ரஷ்யா. உலகில் முதல் நாடு என்ற பெருமையையும் ரஷ்யா படைத்தது. இதனைத் தொடர்ந்து அப்போலோ 11 திட்டத்தின் மூலம் மனிதன், முதன் முதலாக நிலவில் காலடி எடுத்து வைத்தான். நீல் ஆம்ஸ்ட்ராங் தலைமையிலான 3 பேர் கொண்ட குழுவினர் நிலவில் தரையிறங்கினர். அதன்பிறகு 12 மனிதர்கள் நிலவிற்கு சென்று உள்ளனர். டிசம்பர் மாதம், 19, 1972 ஆண்டு தான் இறுதியாக நிலவுக்கு மனிதன் சென்றான்.அதைத் தொடர்ந்து, ஜப்பான், ஐரோப்பிய யூனியன், சீனா, இந்தியா , இஸ்ரேல் உள்ளிட்ட நாடுகள், சந்திரன் குறித்த ஆராய்ச்சியில் தீவிரமாக களம் இறங்கின.
சந்திராயன் 3 : நிலவை ஆய்வு செய்யும் பணியில் அமெரிக்கா, ரஷ்யா, சீனா ஆகிய மூன்று நாடுகளுக்கு அடுத்தபடியாக நான்காவது நாடு என்ற மிகப்பெரிய பெருமையை 'இந்தியா' பெற உள்ளது. இதற்காக நமது நாடு ரூ.615 கோடி ரூபாய் செலவு செய்துள்ளது. இந்திய விண்வெளி ஆய்வு நிறுவனம் (இஸ்ரோ) சந்திரயான்-3 விண்கலத்தை சுமார் ரூ.615 கோடியில் நவீன முறையில் வடிவமைத்தது. இந்த விண்கலம் எல்விஎம்-3 ராக்கெட் மூலம் ஸ்ரீஹரிகோட்டாவில் 2023ஆம் ஆண்டு ஜூலை14அன்று சதீஷ் தவான் ஏவுதளத்தில் இருந்து விண்ணில் செலுத்தியது. புவி வட்டத்தின் இறுதி சுற்றுப் பாதையை வெற்றிகரமாக நிறைவு செய்து சந்திரயான்-3 விண்கலம், நிலவின் சுற்றுப்பாதைக்குள் பயணிக்க துவங்கியது என இஸ்ரோ தெரிவித்து உள்ளது. நள்ளிரவு (ஆகஸ்ட் 1ஆம் தேதி) 12.05 முதல் நிலவின் வட்டப் பாதைக்குள் பயணிக்க துவங்கியது. நிலவை நோக்கி அதன் பயணம் தொடங்கி உள்ளது. இதன்பிறகு திட்டமிட்டபடி இம்மாதம் ஆகஸ்ட் 23-ம் தேதி விண்கலம் நிலவில் மெதுவாக (Soft Landing) தரையிறக்கப்பட உள்ளது என்று இஸ்ரோ அறிவித்துள்ளது.
47 ஆண்டுகளுக்கு பிறகு ரஷ்யா: நிலவில் இருக்கும் நீர் ஆதாரம் மற்றும், அங்கு இருக்கும் கனிம வளங்கள் குறித்து ஆய்வு செய்வதற்காக லூனா 25 செயற்கைக்கோளை விண்ணிற்கு, ரஷ்யா அனுப்பியுள்ளது. அந்த நாட்டின் தலைநகரமான மாஸ்கோவிற்கு கிழக்கே 35,550 கிமீ தொலைவில் அமைந்துள்ள வோஸ்டோச்னி காஸ்மோட்ரோமில் இருந்து "சோயுஸ் 2.1 வி "(Soyuz 2.1v)" ராக்கெட்டில் லூனா-25 என்ற விண்கலத்தை வெற்றிகரமாக விண்ணில் ரஷ்யா ஏவி உள்ளது. கடந்த 1976 ஆம் ஆண்டு ரஷ்யா, நிலவின் மேற்பரப்பை ஆய்வு செய்வதற்காக லூனா 24 என்ற விண்கலத்தை விண்ணில் செலுத்தியது. அதற்கு பின் 47 ஆண்டுகள் கடந்து லூனா-25 ஆய்விற்காக அனுப்பப்பட்டுள்ளது.
லூனா-25, ஒரு சிறிய காரின் அளவில் தான் இருக்கும். நிலவின், தென் துருவத்தில் ஒரு வருடம் காலம் வரை லுனா 25 செயல்பட உள்ளது. லூனா 25 விண்கலம் நிலவின் சுற்றுப்பாதையில் நுழைந்துள்ளது. நிலவின் நீள்வட்டப்பாதையில் சுற்றும் லூனா 25 படிப்படியாக அதன் சுற்றுப்பாதை தூரத்தை குறைத்துக் கொண்டே வருகிறது. ஆகஸ்ட் 21ஆம் தேதி முதல் ஆகஸ்ட் 23ஆம் தேதிக்குள் நிலவில் தரையிறங்கும் என்று எதிர்பார்க்கப்படுகிறது.
விண்வெளி சவால்கள்: பூமியில் இருந்து நிலவுக்கு அனுப்பப்படு விண்கலங்கள் பல்வேறு, சவால்களை சந்திக்கின்றன. பூமியைப்போல் அங்கு தட்பவெப்ப நிலை என்பது சீராக இருக்காது. விண்வெளிக்கு என்று தனி வெப்பம், மேலும், அதற்கு தனியாக கோட்பாடே உள்ளது. அதேபோல்,நிலவு பூமியில் இருந்து 3.84 லட்சம் கிலோமீட்டர் தொலைவில் பூமியை சுற்றி வருகிறது. அங்கு ஈர்ப்பு விசை மிக மிக குறைவு. காற்று மண்டலம் கிடையாது. தரையிறங்க பாராசூட்டுகளை பயன்படுத்த முடியாது. எனவே, நிலவில் தரையிறங்குவது, ஆய்வு ஊர்தி கொண்டு ஆய்வு மேற்கோள்வது மிகவும் கடினமானவை. பூமி தொடர்ந்து சுற்றி கொண்டு இருக்கிறது. நிலவும், ஒரு இடத்தில் இருக்காது, அதை கணக்கீடு செய்து விடுவதில், பல்வேறு சிக்கல்கள் இருக்கின்றன.
நாம் ஏவும் ராக்கெட்டின் இடத்தின், லாங்கிடியூட்,லேட்டிடியூட் கணக்கிட்டு, நிலவு எத்தனை நாட்கள் கழித்து, எந்த இடத்தில் இருக்கும் என்பதை தீர்மானித்து, நிலவின் எந்த பகுதியில், அது தரையிறங்க வேண்டும், என்று முடிவு செய்து அதற்கு ஏற்றது போல், சுற்றுப்பாதையின் தூரம், பிறகு, விண்வெளியில், உயரம் குறைப்பு என்ன எண்ணில் அடங்காத சவால்கள் இருக்கின்றன. இதை சமாளித்து கொண்டு, இரண்டு நாடுகளும், தென் துருவத்தை அடைய தீவிரமாக செயல்பட்டு வருகிறது. இதில் ஒவ்வொரு நாடும் ஒவ்வொரு விதமான சவால்களை சமாளித்து, அதன் வெற்றி பாதையை அடைந்துக் கொண்டிருக்கிறது.
சந்திராயன் 3 VS லூனா-25: லூனா-25 ஐந்து நாள் நிலவை நோக்கிய பயணத்தை மேற்கொண்டு, ஆகஸ்ட்11ஆம் தேதி புறப்பட்ட லூனா25 அதைத் தொடர்ந்து 5-7 நாட்கள் சந்திரனின் சுற்றுப்பாதையில் பயணித்து நிலவில் தரையிறங்கும்.
ஜூலை 14 பூமியில் இருந்து புறப்பட்ட சந்திரயான்-3 நிலவில் தரையிறங்குவதற்கு கிட்டத்தட்ட 40 நாட்கள் ஆகிறன. சந்திரயான்-3 எரிபொருள் சிக்கனத்தைக் கருத்தில் கொண்டு அதற்கேற்ப பிரத்யேகமாக வடிவமைக்கப்பட்டிருப்பதால் அதிக நாட்கள் பயணிப்பதாக இஸ்ரோ விளக்கி உள்ளது.
சந்திரயான்-3 விண்கலம் 14 நாட்கள்(14_ EARTH DAYS) அல்லது ஒரு நிலவு நாள் (ONE LUNAR DAY/29.5306 Earth days) மட்டுமே ஆயுள் கொண்டிருக்கும். அதே நேரத்தில் லூனா-25 விண்கலம் சுமார் ஒரு வருடம்(365 EARTH DAYS OR 182.5 LUNAR DAYS) அதனின் ஆயுள் காலம் செயலப்படும்.
லூனா-25 விண்கலத்தில் இருக்கும் அதிநவீன சாதனங்கள், நிலவின் மேற்பரப்பில் இருந்து வரும் காமா கதிர்கள் மற்றும் நியூட்ரான்களை அளவிடும். காமா கதிர்கள் உயர் ஆற்றல் கதிர்கள் ஆகும், அவை அணுக்களாக மாறும்போது சந்திரனின் மேற்பரப்பு எதனால் ஆனது மற்றும் அது எவ்வாறு செயல்படுகிறது போன்ற முக்கிய தகவலுக்கு ஆணிவேராக செயல்படும், மேலும், வெப்பம், நீரின் ஆதாரம், நிலவின் மேற்பரப்பு, போன்ற விஷயங்களுக்கு உதவியாக இருக்கும்.
ஒரே இலக்கு: இந்தியாவின் சந்திரயான்-3 மற்றும் ரஷ்யா நாட்டின் லூனா-25 இரண்டும் ஒரு மாத இடைவெளியில் பயணத்தைத் தொடங்கியிருக்கிறது. ஜூலை 14- புறப்பட்ட சந்திராயனும், ஆகஸ்ட்-1 ஆம் தேதி புறப்பட்ட லூனா 25-ம். கால இடைவெளி இருந்தாலும். இரண்டு விண்கலத்தின் இலக்கும் ஒன்று தான் கூற முடியும். ரஷ்யாவின் விண்வெளி ஏஜென்சியான ரோஸ்கோஸ்மோஸ் அளிக்கும் தகவலின்படி, லூனா-25 விண்கலத்தின் லேண்டர் ஆகஸ்ட் 21 அன்று சந்திரனைத் எட்டிவிடும் என்றும். தரையிறங்கும் தேதி ஆகஸ்ட் 23 எனக் கணித்திருந்த நிலையில், இரண்டு நாட்கள் முன்னதாகவே லூனா-25 சந்திரனில் தரையிரங்கும் எனக் கூறியது. மறுபுறம் சந்திரயான்-3 ஆகஸ்ட் 23ஆம் தேதி நிலவின் மேற்பரப்பில் தரையிறங்கும் என எதிர்பார்க்கப்படுகிறது.
இரண்டு விண்கலமும்,சுமார் 100 முதல் 130-கி.மீ தூரத்தில் தான் இருக்கும் எனவும், முதலில், இந்த இலக்கை இலகுவாய் எட்ட இரு நாட்டுக்கும் போட்டி இல்லை என்றாலும். மக்களின் மனதில், முதலில் எந்த நாடு என்பது போட்டி இருந்து வருகிறது.
தற்போது ஒரு குட்டி விண்வெளி போட்டி, சந்திரமண்டலத்தில் நடைபெற்று வருகிறது. நிலவின் தென்துருவத்தை நோக்கி இரண்டு விண்கலன்கள் சென்று கொண்டிருக்கின்றன. முதலில் யார் தரை இறங்கப்போவது என்று தான். ஆனால், ஒரே நேரத்தில் இரண்டு விண்கலங்களும் இறங்கினால், விண்வெளி ஆராய்ச்சியில் இது ஒரு எதிர்பாராத திருப்பாக அமையும்....
இதையும் படிங்க : சென்னை டூ பெங்களூரு இனி 30 நிமிடத்தில் செல்லலாம்.. சென்னை ஐஐடியின் 'ஹைப்பர்லூப்' திட்டம்!
