சென்னை பெரியமேடு திருவேங்கடம் தெருவில் உள்ள தனியார் விடுதியில் ஒரு கும்பல் போதை மாத்திரைகள் பதுக்கி வைத்திருப்பதாக சிறப்பு தனிப்படை காவல் துறையினருக்கு ரகசிய தகவல் கிடைத்தது.
இந்தத் தகவலின் அடிப்படையில் விசாரணை செய்த காவல் துறையினர், தனியார் விடுதியில் மறைந்து இருந்த ஐந்து பேர் கொண்ட கும்பலை சுற்றி வளைத்தனர். அந்த கும்பலிடம் இருந்து நைட்ரேட் என்னும் போதை மாத்திரைகளை காவல்துறையினர் கைப்பற்றினர்.
பின்பு, அவர்கள் ஐந்து பேரைக் கைது செய்த காவல் துறையினர் நடத்திய விசாரணையில், அவர்கள் சென்னையைச் சேர்ந்த கிஷோர் பாபு, டேனியல் சாலோமன், வசந்த், அரவிந்த், ஷோபன் ராஜ் என்பது தெரிய வந்தது.
மேலும், பெரம்பூரில் உள்ள கிஷோர் பாபுவின் நண்பர் அசோக் பாபு போதை மாத்திரைகளை அவர்களுக்கு சப்ளை செய்து வருவதாக தகவல் கிடைத்துள்ளது.
கைது செய்யப்பட்ட கும்பலிடம் இருந்து சுமார் 420 போதை மாத்திரைகளை காவல் துறையினர் பறிமுதல் செய்தனர். மேலும் கல்லூரி, பள்ளி மாணவர்களுக்கு செல்ஃபோன் மூலம் சப்ளை செய்து வந்துள்ளது கண்டுபிடிக்கப்பட்டுள்ளது.
இதையும் படிங்க : ரூ. 30 லட்சம் போதைப் பொருட்கள் பறிமுதல்... 2 பேர் கைது!
