சென்னை: தமிழில் முன்னணி இயக்குநரில் ஒருவராக வலம் வருபவர், இயக்குநர் ஹரி. இவர் தாமிரபரணி, ஆறு, கோவில், சாமி, சிங்கம் என பல்வேறு வெற்றிப் படங்களை இயக்கியுள்ளார். தற்போது இவர் நடிகர் விஷாலின் 34வது படத்தை இயக்கி வருகிறார்.
இந்நிலையில், இயக்குநர் ஹரியின் தந்தை வி.ஆ.கோபாலகிருஷ்ணன், சென்னையில் இன்று (அக்.21) காலமானார். சிறிது காலமாகவே உடல் நலம் பாதிக்கப்பட்டிருந்த அவர், தனியார் மருத்துவமனையில் சிகிச்சை பெற்று வந்தார். இந்த நிலையில், அவர் இன்று காலை காலமானார். அவருக்கு ஐந்து மகன்கள் மற்றும் இரண்டு மகள்கள் உள்ளனர்.
அவரது உடல் சென்னை சாலிகிராமத்தில் உள்ள ஹரியின் இல்லத்தில் (எண் 10, ஶ்ரீநிவாசன் தெரு, பலராம் காலனி, சென்னை-93) திரையுலகினர் அஞ்சலிக்காக இன்று பிற்பகல் 2 மணி வரை வைக்கப்பட்டிருக்கும். பின்னர் தூத்துக்குடி மாவட்டத்தில் உள்ள அவரது சொந்த ஊரான கச்சனாவிளைக்கு கொண்டு செல்லப்பட்டு, நாளை இறுதிச் சடங்குகள் நடைபெறும்.
இதையும் படிங்க: நீட் விலக்குக்கான கையெழுத்து இயக்கத்தை தொடங்கி வைத்த முதலமைச்சர் ஸ்டாலின்!
