மகளிருக்கான துபாய் ஓபன் டென்னிஸ் தொடர் ஐக்கிய அரபு அமீரகத்தில் விறுவிறுப்பாக நடைபெற்றுவருகிறது. இன்று நடைபெற்ற மகளிர் இரட்டையர் பிரிவு இரண்டாம் சுற்று போட்டியில் இந்தியாவின் சானியா மிர்சா-ஸ்லோவேனியாவின் ஆண்ட்ரேஜா கிளெபாஸ் இணை, அமெரிக்காவின் ஹேலி கார்ட்டர்-பிரேசிலின் லூயிசா ஸ்டெபானி இணையுடன் மோதியது.
பரபரப்பாக நடைபெற்ற இப்போட்டியில் சானியா மிர்சா இணை தொடக்கத்திலேயே தடுமாறியது. மறுமுனையில் அதிரடி ஆட்டத்தை வெளிப்படுத்திவந்த கார்ட்டர் இணை அடுத்தடுத்த செட்களை 6-3 என்ற கணக்கில் கைப்பற்றி அசத்தியது.
இதன்மூலம் சானியா மிர்சா இணை 3-6, 3-6 என்ற நேர் செட் கணக்கில் கார்ட்டர் இணையிடம் தோல்வியடைந்து, துபாய் ஓபன் டென்னிஸ் தொடரிலிருந்து வெளியேறியது.
இதையும் படிங்க: துபாய் ஓபன்: 3ஆவது சுற்றில் கோகோ கஃப், தொடரிலிருந்து வெளியேறிய ஸ்விட்டோலினா!
