ஜப்பானில் நடைபெறும் வரும் உலகக்கோப்பை ரக்பி தொடர் தற்போது இறுதிக்கட்டத்தை எட்டியுள்ளது. இதில் இன்று நடைபெற்ற லீக் ஆட்டத்தில் குரூப் ஏ பிரிவில் இடம்பெற்றுள்ள ஸ்காட்லாந்து அணி ரஷ்ய அணியை எதிர்த்து விளையாடியது.
பரபரப்பாகத் தொடங்கிய இந்த ஆட்டத்தில் ஸ்காட்லாந்து அணி ஆட்டத்தின் தொடக்கம் முதலே தனது அபார ஆட்டத்தை வெளிப்படுத்தியது. இதனால் ஆட்டநேர முடிவில் ஸ்காட்லாந்து அணி 61-00 என்ற புள்ளிக்கணக்கில் ரஷ்ய அணியை வீழ்த்தி உலகக்கோப்பை ரக்பி தொடரில் தனது இரண்டாவது வெற்றியைப் பதிவுசெய்தது.
இந்த வெற்றியின் மூலம் ஸ்காட்லாந்து அணி இத்தொடரில் இரண்டு வெற்றி, ஒரு தோல்வி என குரூப் ஏ புள்ளிப்பட்டியலில் 10 புள்ளிகளுடன் மூன்றாமிடம் பிடித்துள்ளது.
அதேபோல் இந்த உலகக்கோப்பை ரக்பி தொடரில் ரஷ்யா அணி, தான் பங்கேற்ற நான்கு போட்டிகளிலும் படுதோல்வியடைந்து உலகக்கோப்பை ரக்பி தொடரிலிருந்து வெளியேறியுள்ளது.
இதையும் படிங்க: Women's World Boxing Championships 2019: 5ஆம் நிலை வீராங்கனையை அப்செட் செய்த இந்திய வீராங்கனை!
