மாரி செல்வராஜ் இயக்கத்தில் தனுஷ் நடிப்பில் சமீபத்தில் வெளியான திரைப்படம் கர்ணன். கலைப்புலி எஸ். தாணு தயாரித்துள்ள இப்படம் அனைத்துத் தரப்பிலும் பாராட்டுகளைப் பெற்று, வசூலையும் குவித்து வருகிறது.
இதனையடுத்து மாரி செல்வராஜ் தயாரித்து இயக்கும் படத்தில் சூர்யா நடிக்க உள்ளதாக ட்விட்டரில் தகவல் பரவி வருகிறது.
இதுகுறித்து சூர்யா தரப்பில் இருந்து, எந்த ஒரு அதிகாரப்பூர்வத் தகவலும் இதுவரை வெளியாகவில்லை. தொடர்ந்து சூர்யா தரப்பைத் தொடர்பு கொண்டு நாம் விசாரித்தபோது, தற்போது வரை மாரி செல்வராஜ் இயக்கத்தில் சூர்யா நடிக்க ஒப்பந்தமாகவில்லை என்று தெரிவிக்கப்பட்டது.
நடிகர் சூர்யா தற்போது பாண்டிராஜின் இயக்கத்தில் ஒரு படம், தா.செ. ஞானவேல் இயக்கி வரும் படம், சிவா இயக்கவுள்ள படம் மற்றும் 'வாடிவாசல்' ஆகியப் படங்களில் நடிக்க இருக்கிறார்.
இதையும் படிங்க: மதுரை மணிக்குறவன் பட பாடல்களை வெளியிட்ட இளையராஜா
