தமிழ் சினிமாவில் விலங்குகளை வைத்து படம் எடுக்கும் இயக்குநர்கள் மிகவும் அரிது. '80' கால சினிமாக்களில் பாம்பு, குரங்கு, யானை ஆகிய விலங்குகளை வைத்தே படம் வந்திருக்கும் நிலையில் மாறுதலாக, இக்காலக் கட்டத்திற்கு ஏற்ப காட்டில் வாழும் புலியை வைத்து முழு நீள படத்தினை இயக்கியுள்ளார் ஹரிஷ்.
சமீபத்தில் வெளியான 'கனா' படம் மூலம் திரைக்கு வந்த தர்ஷன் இப்படத்தில் முக்கிய கதாபாத்திரத்தில் நடித்திருக்கிறார். இவருக்கு ஜோடியாக கீர்த்தி பாண்டியன் நடித்துள்ளார்.
இப்படம் கோடை விடுமுறையை கொண்டாடும் விதத்தில் வெளியாகும் என்று படக்குழு அறிவித்துள்ளது. படத்திற்கு இசை அனிருத்.
சில நாட்களுக்கு முன்பு 'தும்பா' படம் குறித்தான வீடியோ ஒன்றில் அனிருத் புலிக்கு இசைமைப்பது போல் வெளியானது. அதனைத் தொடர்ந்து தற்போது படத்தின் டிரைலர் வெளியாகியுள்ளது. இப்படம் தமிழ், மலையாளம், தெலுங்கு, ஆங்கிலம் ஆகிய மொழிகளில் வெளியாகவுள்ளது. படம் மே மாதம் வெளியாகும் என்று எதிர்பார்க்கப்படுகிறது.
