ரசிகர்களுக்கு பிறந்தநாள் பரிசாக தனது புதிய படமான 'டாக்டர்' ஃபர்ஸ்ட் லுக்கை வெளியிட்டுள்ளார், நடிகர் சிவகார்த்திகேயன்.
டாக்டர், அயலான் என இரண்டு படங்களில் தற்போது நடித்து வருகிறார் சிவகார்த்திகேயன். 'கோலமாவு கோகிலா' படத்தின் வெற்றிக்குப் பின் நெல்சன் திலீப்குமார் திரைக்கதை எழுதும் 'டாக்டர்' படத்தில் நடிப்பதுடன், கேஜேஆர் ஸ்டூடியோஸ் நிறுவனத்துடன் இணைந்து, தனது எஸ்கே புரொடக்ஷன்ஸ் நிறுவனம் சார்பில் தயாரிக்கவும் செய்கிறார்.
இந்தப் படத்தில் சிவகார்த்திகேயன் ஜோடியாக தெலுங்கில் சூப்பர் ஹிட்டான 'கேங் லீடர்' படத்தில் நடித்த பிரியா மோகன் நடிக்கிறார். யோகி பாபு, வினய் பிரதான கதாபாத்திரங்களில் நடிக்கிறார்கள்.
-
Here is the first look of my next #DOCTOR 😊👍#DoctorFirstLook pic.twitter.com/ztqfkG4TUY
— Sivakarthikeyan (@Siva_Kartikeyan) February 17, 2020 " class="align-text-top noRightClick twitterSection" data="
">Here is the first look of my next #DOCTOR 😊👍#DoctorFirstLook pic.twitter.com/ztqfkG4TUY
— Sivakarthikeyan (@Siva_Kartikeyan) February 17, 2020Here is the first look of my next #DOCTOR 😊👍#DoctorFirstLook pic.twitter.com/ztqfkG4TUY
— Sivakarthikeyan (@Siva_Kartikeyan) February 17, 2020
படத்துக்கு இசை - அனிருத். ஒளிப்பதிவு - விஜய் கார்த்திக் கண்ணன் மற்றும் ஆர். நிர்மல்.
இதையடுத்து இந்தப் படத்தின் ஃபர்ஸ்ட் லுக்கை, தனது பிறந்த நாள் ட்ரீட்டாக வெளியிட்டுள்ளார், சிவகார்த்திகேயன்.
காலர் டிசர்ட், கேஷுவல் பேன்ட் மற்றும் ஷூ, கண்ணாடி அணிந்து கொண்டு, கையில் ரத்தக் கறையுடன் இருக்கும் சர்ஜிகல் கிளவுஸுடன் சோபாவில் அமர்ந்து புதிரான தோற்றத்தில் உள்ளார்.
#DoctorFirstLook என்ற ஹேஷ்டாக்கில் இந்தப் புகைப்படம் தற்போது அதிகமாக பகிரப்பட்டு வருகிறது.
ஆர். ரவிக்குமார் இயக்கும் 'அயலான்' படத்தில் சிவகார்த்திகேயனுக்கு ஜோடியாக ரகுல் ப்ரீத் சிங் நடிக்கிறார். இந்தப் படத்துக்கு இசைப்புயல் ஏ.ஆர். ரஹ்மான் இசையமைக்கிறார்.
கடந்த ஆண்டு மிஸ்டர். லோக்கல், நம்ம வீட்டுப் பிள்ளை, ஹீரோ என்று மூன்று படங்களைத் தந்த சிவகார்த்திகேயன், தற்போது இந்த ஆண்டு தொடக்கத்திலேயே அடுத்தடுத்து இரண்டு படங்களில் நடித்து வருவதுடன், ரசிகர்களுக்கு எதிர்பார்ப்பை ஏற்படுத்தியுள்ளார்.
இதையும் படிங்க: தமிழ் சினிமாவின் பிரமாண்ட படைப்பு 'அயலான்' - தயாரிப்பாளர் ஆர்.டி. ராஜா
