நாய்கள் ஜாக்கிரதை', 'மிருதன்', 'டிக் டிக் டிக்' ஆகிய படங்களைத் தொடர்ந்து இயக்குநர் சக்தி சௌந்தர் ராஜன் இயக்கத்தில் கடந்த மார்ச் மாதம் 19ஆம் தேதி வெளியான திரைப்படம், 'டெடி'.
கோமாவுக்கு சென்ற ஹீரோயின் சாயிஷா நினைவுகள் டெடிக்குள் நுழைய, அதிலிருந்து மீண்டு அவர் எப்படி தனது உடலுக்குள் நுழைகிறார் என்பதே படத்தின் கதை.
இதனையடுத்து தற்போது சக்தி சௌந்தர் ராஜன் - ஆர்யா கூட்டணி மீண்டும் இணைந்துள்ளது. அதிரடி ஆக்ஷன் படமாக உருவாகும் இப்படத்தின் படப்பிடிப்பு பணிகள் விரைவில் தொடங்கவுள்ளதாக தகவல் வெளியாகியுள்ளது.
மேலும் படத்தின் பணியாற்றவுள்ள தொழில்நுட்ப கலைஞர்கள் குறித்த தகவல் விரைவில் வெளியிடப்படும் என எதிர்பார்க்கப்படுகிறது.
சமீபத்தில் நடிகர் ஆர்யா நடிப்பில் வெளியான, 'சார்பட்டா பரம்பரை' திரைப்படம் மாபெரும் வரவேற்பை பெற்றது என்பது குறிப்பிடத்தக்கது.
இதையும் படிங்க: படப்பிடிப்புக்கு முன்பே 'வாடிவாசல்' படைத்த சாதனை!
