'தர்பார்' திரைப்படத்தைத் தொடர்ந்து ரஜினிகாந்த் நடிப்பில் உருவாகிவரும் திரைப்படம் 'அண்ணாத்த'. நயன்தாரா, மீனா, கீர்த்தி சுரேஷ், குஷ்பு, சதீஷ், சூரி உள்ளிட்டோர் இப்படத்தில் நடித்து வருகின்றனர்.
'அண்ணாத்த' படப்பிடிப்பு விறுவிறுப்பாக ஹைதராபாத்தில் நடைபெற்று வந்த நிலையில், கரோனா ஊரடங்கு காரணமாக படப்பிடிப்பு தற்காலிகமாக நிறுத்தி வைக்கப்பட்டிருந்தது.
தற்போது தளர்வுகளால் மீண்டும் தொடங்கப்படவுள்ள படப்பிடிப்பில் விரைவில் ரஜினிகாந்த் கலந்துகொள்ளவுள்ளதாக தகவல் வெளியாகியுள்ளது.
இந்நிலையில் 'அண்ணாத்த’ படத்தின் டைட்டில் மோஷன் போஸ்டர் தற்போது யூ-டியூப், தளத்தில் 4 மில்லியன் பார்வைகளைக் கடந்து சாதனை படைத்து வருகிறது. இதன்மூலம் தமிழ் திரையுலகில் அதிக பார்வைகளைக் கொண்ட டைட்டில் மோஷன் போஸ்டர் என்ற சாதனையை படைத்துள்ளது.
இதையும் படிங்க: புற்றுநோயிலிருந்து மீண்டு வந்த சஞ்சய் தத்!
