வாஷிங்டன்: இந்தியாவின் ஆந்திர மாநிலத்தைச் சேர்ந்த இளம்பெண் ஜாஹ்னவி கந்துலா, அமெரிக்காவின் சியாட் நகரத்தில் காவல் துறை வாகனம் மோதி சம்பவ இடத்திலேயே உயிரிழந்தார். விபத்தில் உயிரிழந்த பெண்ணின் மரணம் குறித்து கேலி செய்யும் விதமாக காவல் துறையினர் பேசிய வீடியோ ஒன்று வெளியாகி, அங்கு உள்ள பொதுமக்களிடம் அதிர்ச்சியை ஏற்படுத்தியுள்ளது. மேலும், இந்திய தூதரகம் சார்பாக விரைந்து நடவடிக்கை எடுக்க வேண்டும் என அமெரிக்க அதிகாரிகளுக்கு வலியுறுத்தியது குறிப்பிடத்தக்கது.
இந்திய வம்சாவளியைச் சேர்ந்த இளம்பெண் அமெரிக்காவில் வாகன விபத்தில் உயிரிழந்தது தொடர்பாக பல அதிர்ச்சி செய்திகள் வெளிவந்தன. இந்த விபத்து சம்பவம் குறித்து விசாரணை நடைபெற்ற வந்தன. இந்த விபத்தை ஏற்படுத்திய காவல் துறை அதிகாரி கெவின் டேவ் மணிக்கு 120 கிமீ வேகத்தில் வாகனத்தை கவனக்குறைவாக ஓட்டி இளம்பெண் மீது மோதியதில் அவர் சாலையில் தூக்கி வீசப்பட்டு சம்பவ இடத்தில் உயிரிழந்தார் என தெரிய வந்தன.
இந்த விபத்தை ஏற்படுத்திய காவல் துறை அதிகாரி கெவின் டேவ் சியாட் காவல் துறையில் உள்ள மற்றொரு அதிகாரியான டேனியல் ஆடரர் என்பவருக்கு தொலைபேசி வழியாக தொடர்பு கொண்டு, விபத்தில் இளம்பெண் உயிரிழந்தது பற்றி கவலை இல்லாமல் கிண்டலாக பேசியுள்ளனர்.
இது கவால் துறை அதிகாரியின் உடலில் பொருத்தப்பட்ட கேமராவில் பதிவாகி உள்ளன. அந்த வீடியோவில், "பெண் இறந்துவிட்டாள். சாதாரணமான பெண்தான். ஒரு காசோலையை எழுதி உடலின் அருகே வை. 11,000 டாலர் போதும் அந்த பெண்ணுக்கு அவ்வளவுதான் மதிப்பு" என சிரித்தபடி பேசியுள்ளனர்.
இந்த வீடியோ பதிவு உயர் அதிகாரிகளுக்கு தெரிய வர, சம்பவம் குறித்து கூடுதல் விசாரணை நடத்த உத்தரவிடப்பட்டன. மேலும், இளம்பெண் உயிரிழந்தது தொடர்பாக அமெரிக்காவின் சான் பிரான்சிஸ்கோ பகுதியிலுள்ள இந்திய துணைத் தூதரகம் அறிக்கை வெளியிட்டது. அதில், உயிரிழந்த கந்துலாவிற்கு இது மிக துயரமான நிகழ்வு எனவும், அவரின் உயிரிழப்பிற்கு பின்னால் இருக்கும் அனைவரும் தண்டிக்கப்படும் வகையில் விசாரணை தேவை எனவும் தெரிவித்து இருந்தன.
இதையும் படிங்க: US school shooting: பள்ளியில் துப்பாக்கிச் சூடு... மாணவன் பலி!
ஜாஹ்னவி கந்துலா அமெரிக்காவில் உள்ள நார்த் ஈஸ்டர்ன் பல்கலைக்கழகத்தில் முதுகலைp பட்டம் படித்து வந்தார். ஆந்திராவைச் சேர்ந்த இவர், 2023 ஜனவரி 23ஆம் தேதி டெக்ஸ்டர் அவென்யூ சாலையை கடக்கும்போது அதிவேகமாக வந்த காவல் துறை வாகனம் மோதி 100 மீட்டர் தூரம் அவர் தூக்கி வீசப்பட்டார்.
சியாட்டில் காவல் துறை அதிகாரிகள் கில்ட் தனது அறிக்கையில், தற்போது விபத்தில் உயிரிழந்த மாணவி ஜாஹ்னவி கந்துலா குறித்த வீடியோ சமூக வலைத்தளங்களில் வேகமாக பரவியது இது ஊடகங்களும் ஒரு தரப்பில் மட்டும் பதிவான கருத்துகளை வைத்து செய்திகள் வெளியாகியுள்ளன. இந்த விவகாரத்தில் பல் விவரங்கள் பகிரப்படவில்லை மேலும் இச்சம்பவம் குறித்து விரைவான விசாரணை மற்றும் நியாயமான விசாரணை நடைபெற்று வருகிறது என தெரிவிக்கப்பட்டுள்ளன.
இந்த வீடியோ வெளிவந்தவுடன் OPA இயக்குனர் ஜினோ பெட்ஸ் விரைவாக விசாரணை நடத்த வேண்டும் என கடிதம் அனுப்பியுள்ளார். மேலும் காவல் துறை அதிகாரியின் தவறான நடவடிக்கை குறித்த விசாரணையை விரைவுபடுத்தவும் ஒப்புக் கொண்டுள்ளார். மேலும், இது தொடர்பான விசாரணை 4 வாரங்களுக்குள் நடத்தி முடிக்கப்படும் என தெரிவித்துள்ளனர்.
இதையும் படிங்க: Libiya flood: லிபியாவில் ஏற்பட்ட வெள்ளத்தில் 2,000 பேர் பலி! கடும் வெள்ளப்பெருக்கு!
