சுவிட்சர்லாந்து நாட்டில் தன்பாலின திருமணத்திற்கு அனுமதி அளிக்க பொதுவாக்கெடுப்பு நேற்று நடைபெற்றது. அந்நாட்டில் உள்ள 26 மாநிலங்களிலும் நடைபெற்ற இந்த வாக்கெடுப்பில் தன்பாலின திருமணத்திற்கு ஆதரவாக 64.1 விழுக்காடு வாக்குகள் கிடைத்துள்ளன.
இந்த வாக்கெடுப்பில் வெற்றிபெற்றதன் மூலம், தன்பாலின தம்பதிகளுக்கும் குழந்தைகளைத் தத்தெடுத்து அவர்களுக்கு குடியுரிமை கிடைக்க வழிவகைச் செய்யப்படும்.
85 லட்சம் மக்கள்தொகை கொண்டு சுவிட்சர்லாந்து பொதுவாகவே பாரம்பரிய வழக்கங்களுக்கு முக்கியத்துவம் வழங்கும் நாடாகும். 1990-இல்தான் பெண்களுக்கு வாக்குரிமை வழங்கியது.
மேற்கு ஐரோப்பிய நாடுகளில் பெரும்பாலானவை தன்பாலின திருமணத்திற்கு ஒப்புதல் அளித்துள்ளது. மத்திய, ஐரோப்பிய நாடுகளில் இன்னும் தன்பாலின மக்களுக்குப் போதிய உரிமைகள் வழங்கப்படவில்லை.
இந்தச் சூழலில் சமூக வலைதளம் மூலம் தொடர்ச்சியான பரப்புரை மூலம் மக்களிடம் விழிப்புணர்வு ஏற்படுத்தி இந்த உரிமையை சுவிட்சர்லாந்து தன்பாலின மக்கள் பெற்றுள்ளனர்.
இதையும் படிங்க: கடவுச்சீட்டு, அடையாள அட்டைகளில் மாற்றத்தைக் கொண்டுவரும் தாலிபான்
