அதிகாரத்திற்கான அவரது வேட்கை ட்ரம்பை பணியச் செய்கிறது!

அமெரிக்க - தாலிபான் சமாதான ஒப்பந்தங்கள் நடைபெற்றதன் மூலம் அதிபர் ட்ரம்ப் அதிகாரம் அதிகரித்துள்ளதா என்பது குறித்த சிறப்புக் கட்டுரை.

அதிகாரத்தில் அதிக பேராசை கொண்ட ஒருவர் எப்படி இருக்கிறார் என்பதை ஒருவர் தெரிந்து கொள்ள விரும்பினால், அவர்கள் டொனால்ட் டிரம்பைத் தாண்டி ஒருவரைப் பார்க்க வேண்டியதில்லை. ஒருபுறம், அவர் அமைதிக்கான நோபல் பரிசை வெல்ல வேண்டும் என்ற லட்சியத்தில் இருக்கிறார், மறுபுறம், இரண்டாவது முறையாக ஜனாதிபதி பதவிக்கு தேர்ந்தெடுக்கப்பட விரும்புகிறார்.

இந்த இலக்குகளை அடைவதற்காக, அவர் உலக நாடுகளை நரகப் பாதையில் நிறுத்துகிறார். இதன் விளைவாக, மத்திய கிழக்கு, ஆப்கானிஸ்தான் மற்றும் வெனிசுலா போன்ற முக்கியமான புவியியல் களங்களில் அமைதிக்குக் குந்தகம் விளைந்துள்ளது. ஒன்பது மாத காலப்பகுதியில் தேர்தல்கள் நெருங்கி வருவதால், ட்ரம்ப் தனது நலன்களைப் பாதுகாப்பதில் தீவிரம் கொண்டுள்ளார், மேலும் அவரது நம்பகமான பணியாளர்களை அவர்களின் தலைவிதிக்கு விட்டுவிடுகிறார்.

டிரம்பிற்குள் உள்ள தொழிலதிபர் லாப நஷ்டங்களை கணக்கிட்டு வருகிறார். இத்தகைய அணுகுமுறையின் சமீபத்திய எடுத்துக்காட்டு அமெரிக்க-தலிபான் சமாதான ஒப்பந்தம். கத்தார் தோஹாவில் அமெரிக்க சிறப்பு பிரதிநிதி ஜல்மே கலீல்ஃசாத் மற்றும் தலிபான் தளபதி முல்லா பரதர் இடையே. இந்த ஒப்பந்தம் கையெழுத்திடப் பட்டது.

இந்த ஒப்பந்தத்தில் பாகிஸ்தான், சீனா, துருக்கி மற்றும் இந்தோனேசியாவைச் சேர்ந்த பிரதிநிதிகள் பங்கேற்றுள்ளனர். இந்த ஒப்பந்தத்தின் மூலம், அடுத்த 14 மாதங்களுக்குள் ஆப்கானிஸ்தானில் இருந்து தனது இராணுவ துருப்புக்களை திரும்பப் பெற அமெரிக்கா ஒப்புக்கொண்டது. மேலும், இந்த ஒப்பந்தம் ஆப்கானிய அரசாங்கத்துக்கும் தலிபானுக்கும் இடையிலான பேச்சுவார்த்தைக்கு வழி வகுக்கும் என்று எதிர்பார்க்கப்படுகிறது.

இந்த பேச்சுவார்த்தைகள் வெற்றிகரமாக அமைந்தால், 2014 டிசம்பரில் தொடங்கப்பட்ட "ஆபரேஷன் ரெசல்யூட் சப்போர்ட்" (உறுதியான துணைநிற்பு நடவடிக்கை) டிலிருந்து அமெரிக்கா வெளியேற முடியும். உண்மையில் இது (ஆபரேஷன் என்ட்யூரிங்க் ஃப்ரீடம்). நீடித்த சுதந்திரத்திற்கான நடவடிக்கை 2001இல் தொடங்கப்பட்டு 2014 இல் முடிவுக்கு வந்தது, ஆனால் தலிபானுடனான மோதல் தொடர்ந்தது.

2014 முதல், அமெரிக்க இராணுவத்திற்கு பதிலாக, ஆப்கானிய இராணுவம் தலிபான்களுடன் போராடி வருகிறது. அதற்கான ஆதரவை அமெரிக்கா அளித்து வருகிறது. சமாதானப் பேச்சுவார்த்தைகள் சாதகமான முடிவுக்கு வந்தால், 18 ஆண்டுகால இரத்தக்களரி யுத்தம் முடிவுக்கு வரும். இந்த ஒப்பந்தம் குறித்த கேள்விகளுக்கு அமெரிக்க வெளியுறவுத்துறை செயலர் மைக் பாம்பியோ எச்சரிக்கை யோடு பதிலளித்தார்.

ஆப்கானிஸ்தான் நிலத்திலிருந்து பயங்கரவாத அச்சுறுத்தல் அகற்றப்பட்டால் மட்டுமே அமெரிக்காவும் அதன் நட்பு நாடுகளும் வெற்றி பெறும் என்று அவர் கூறினார். தற்போதைய விவகார நிலவரப்படி , பாம்பியோவின் கனவு ஒரு கானல் நீர் போல் தோன்றுகிறது. மறுபுறம், தலிபானின் அரசியல் தலைவர் ஷேர் முகமது அப்பாஸ் ஸ்டானிக்ஃஸாய் இது உண்மையில் தங்களுக்குக் கிடைத்த வெற்றி என்று கூறினார். இந்த சமாதான ஒப்பந்தத்தை தலிபான்கள் தங்களின மூலோபாய ஒப்பந்தம் என்றே அழைப்பதாக தி கார்டியன் போன்ற பத்திரிகைகள் குறிப்பிட்டன.

இந்த சமாதான உடன்படிக்கையின் ஒவ்வொரு வார்த்தையும் கூடிய விரைவில் ஆப்கானிஸ்தானிலிருந்து வெளியேற முனையும் அமெரிக்காவின் ஆதங்கத்தையே வெளிப்படுத்துகிறது. அடுத்த 14 மாதங்களில் மொத்தமாக துருப்புக்கள் திரும்பப் பெறுவதன் ஒரு பகுதியாக, முதல் 135 நாட்களில் ஐந்து தளங்கள் முற்றிலுமாக வெளியேற்றப்பட வேண்டும். மேலும் 8,600 அமெரிக்க மற்றும் அதன் கூட்டணி துருப்புக்கள் திரும்பப் பெறப்பட வேண்டும்.

இந்த ஒப்பந்தத்தில் ஐ.நா மற்றும் அமெரிக்க பொருளாதாரத் தடைகளை ரத்து செய்வதும் அடங்கும். ஒப்பந்தத்தின் முதல் பகுதியில், அமெரிக்கா என்ன செய்ய வேண்டும் என்பதைக் குறிக்கும் வகையில் துல்லியமான தேதிகள் மற்றும் கால அவகாசம் அமைக்கப்பட்டன.

இரண்டாவது பகுதி தலிபான்கள் செய்ய வேண்டியவை பற்றிய எந்த அளவீடுகளையும் காட்டவில்லை. இந்த ஒப்பந்தம் தலிபான்களை அல்-கொய்தா போன்ற பிற கிளர்ச்சிக் குழுக்களிடமிருந்து விலகுமாறு கட்டாயப்படுத்துகிறது. அல்-கொய்தாவை ஆதரிப்பதற்காக தாலிபான்கள் தங்கள் ராஜ்யத்தைக் கைவிட்டனர். ட்ரம்பின் பொருட்டு அவர்கள் ஏன் அதையெல்லாம் விட்டுவிடப் போகிறார்கள்? இரண்டாம் பாகத்தின் ஐந்தாவது ஷரத்தில் ஆபத்தின் அறிகுறி உள்ளது. அமெரிக்கா மற்றும் அதன் நட்பு நாடுகளின் பாதுகாப்பை அச்சுறுத்தும் விதமாக விசா, பாஸ்போர்ட் அல்லது பயண அனுமதி வழங்கத் தலிபான்களுக்குத் தடை விதிக்கப்பட்டுள்ளது.

ஆப்கானிஸ்தானில் தலிபான் ஆட்சியை அமெரிக்கா மறைமுகமாக ஏற்றுக் கொண்டுள்ளது என்பதே இதன் பொருளாகும். தலிபான்கள் தங்களை ஆப்கானிஸ்தானின் இஸ்லாமிய கூட்டமைப்பு என்று அறிவித்ததை அமெரிக்கா தனது அனைத்து வலிமையுடனும் எதிர்க்க வேண்டியிருந்தது. இந்த ஒப்பந்தத்தில் உள்ள உட்பிரிவுகள் தலிபான்களால் பின்பற்றப்படா விட்டால் அது மீண்டும் ஆப்கானிஸ்தானிற்குத் திரும்பும் என்று அமெரிக்கா கூறி இதற்காக பதினான்கு மாத காலக்கெடுவும் அளித்துள்ளது.

இந்த காலகட்டத்தில் அமெரிக்க ஜனாதிபதித் தேர்தல்கள் நிறைவடைந்தால், தலைமை தங்கள் அரசியல் அழுத்தத்திலிருந்து விடுபடும், மேலும் மனமாற்றமும் ஏற்படக்கூடும். முன்னாள் தேசிய பாதுகாப்பு ஆலோசகர் ஜான் போல்டன் இந்த ஒப்பந்தம் குறித்துக் கவலைகளை எழுப்பியுள்ளார். ஆப்கானிஸ்தானில் தற்போதைய அரசியல் நிச்சயமற்ற தன்மை சமாதான ஒப்பந்தத்திற்கு ஒரு தடையாக அமையக்கூடும்.

தேர்தல் ஆணையம் 50.64 சதவீத வாக்குகளைப் பெற்று அஷ்ரப் கானியை வெற்றியாளராக அறிவித்த போதிலும், 39.52 சதவீத வாக்குகளைப் பெற்ற அவரது எதிராளி அப்துல்லா, இந்த முடிவை ஏற்கவில்லை. முந்தைய தேர்தல்களில் இதேபோன்ற பிரச்சினை எழுந்தபோது அமெரிக்கா ஜனாதிபதி கானியிடம் அப்துல்லாவை தலைமை நிர்வாகியாக ஏற்கும்படி வற்புறுத்தி நியமித்தது.