சென்னை தியாகராய நகரில் அமைந்துள்ள ஶ்ரீ ஷங்கர் லால் சுந்தர் பாய் ஷசுன் ஜெயின் மகளிர் கல்லூரியில் பத்ம விபூஷண் விருதுபெற்ற தொல்லியல் நிபுணர் பீபீ லால் குறித்த ஆவணப்படம் திரையிடப்பட்டது. இப்படம் ராஜஸ்தானில் நடைபெற்ற தேசியத் திரைப்படவிழாவில் பங்கேற்று சிறந்த ஆவணப்படமாகத் தேர்வு செய்யப் பட்டுள்ளது என்பது குறிப்பிடத்தக்கது.
கல்லூரியில் சமஸ்கிருதத்துறைப் பேராசிரியர் முனைவர் ரமா தேவி அவர்களின் எண்ணத்தில் உதயமாகிக் காட்சி ஊடகவியல் துறைப்பேராசிரியர் எபினேசர் அன்னாதாஸின் இயக்கத்தில், முனைவர் எபிராஜ் இசையில் உருவான ஆவணப்படம், பலராலும் பாராட்டப்பட்டது. விழாவிற்கு வருகை புரிந்தவர்களை கல்லூரி முதல்வர் முனைவர் சா.பத்மாவதி வரவேற்றார்.
கல்லூரியின் கௌரவச் செயலர் ஶ்ரீ அபயகுமார் ஶ்ரீஶ்ரீ மால் ஜெயின் இணைச்செயலர் ஹரிஷ் எல் மேத்தாவும் கலந்து கொண்டு வாழ்த்துரை வழங்கினர்.
இந்நிகழ்வில், மீடியா எண்டர்டெயின்மெண்ட் துறையில் சான்றிதழ் படிப்பை நிறைவு செய்த 36 மாணவர்களுக்கு சான்றிதழ் வழங்கிச் சிறப்பிக்கப்பட்டது. ஷசுன் கல்லூரி மாணவியரால் உருவாக்கப்பட்ட "ஷசுன் நியூஸ்" என்ற பெயரில் யூடியூப் நியூஸ் சேனல் இன்று(ஜூன் 2) முதல் ஒலி (ஒளி) பரப்புத் தொடங்கப்பட்டது.
இதையும் படிங்க: ரஜினிகாந்த் உடன் நடிகர் சங்க நிர்வாகிகள் சந்திப்பு!
