சேலம் மாவட்டம், ஓமலூர் பேரூராட்சி பகுதிக்குட்பட்ட பிருந்தாவனம் நகர குடியிருப்புப் பகுதிகளில் ஓமலூர் சட்டப்பேரவை உறுப்பினர் வெற்றிவேல், காந்தியின் 150ஆவது பிறந்தநாளை முன்னிட்டு காந்தியின் உருவப் படத்திற்கு மலர் தூவி மரியாதை செலுத்தினார். அதன்பின் அப்பகுதியில் மரக்கன்றுகளை நட்டார்.
இதைத் தொடர்ந்து அப்பகுதிகளில் வசிக்கும் பொதுமக்களுக்கு மா, பலா, நெல்லிக்காய், நாவல் உள்ளிட்ட மரக்கன்றுகளை இலவசமாக வழங்கினார்.
மரக்கன்றுகள் வழங்கிய சட்டமன்ற உறுப்பினர்
உலகம் முழுவதும் பருவநிலை மாற்றத்தால் தட்பவெப்ப சூழ்நிலை மாறிவருகிறது, ஆகையால் அனைவரும் வீட்டுக்கு ஒரு மரம் வளர்ப்போம் என்பதை மாற்றி, வீட்டுக்கு இரண்டுக்கும் மேற்பட்ட மரங்களை வளர்ப்போம் என உறுதி எடுப்போம் என பொதுமக்களுக்கு அறிவுரையையும் அவர் வழங்கினார்.
இதையும் படிங்க: ஈடிவி பாரத்தின் பாடலை பகிர்ந்த பிரதமர் நரேந்திர மோடி!
