சென்னை: தமிழ்நாட்டில் மருத்துவக்கல்லூரிகளில் எம்.பி.பி.எஸ், பிடிஎஸ் படிப்பில் மாணவர்கள் சேர்வதற்கான கலந்தாய்வு கலந்தாய்வு இன்று(ஜன.27) தொடங்கியது.
இதில் மாற்றுதிறனாளிகள் பிரிவில் எம்பிபிஎஸ் படிப்பில் 212 இடங்களும், பிடிஎஸ் படிப்பில் 9 இடங்களும் இருந்தன. இந்நிலையில் விண்ணப்பம் செய்த 73 பேரில் தகுதியான 53 பேர் கலந்தாய்வுக்கு அழைக்கப்பட்டனர்.
அதேபோல் விளையாட்டு வீரர்களுக்கான ஒதுக்கீட்டில் 152 விண்ணப்பம் செய்தனர். அவர்களில் எம்பிபிஎஸ் படிப்பில் 7 இடங்களும், பிடிஎஸ் படிப்பில் ஒரு இடமும் இருந்தன.
இதற்கு 18 மாணவர்கள் அழைக்கப்பட்டனர். ராணுவத்தினரின் வாரிசுகளுக்கான ஒதுக்கீட்டு இடத்திற்கு 360 பேர் விண்ணப்பம் செய்திருந்தனர்.
அவர்களில் தகுதியான 153 மாணவர்களில் 19 மாணவர்கள் அழைக்கப்பட்டனர். அவர்களுக்கான எம்.பி.பிஎஸ் இடங்கள் 10,பிடிஎஸ் இடத்தில் ஒரு மாணவர் இடமும் இருக்கிறது.
சிறப்பு பிரிவினருக்கான கலந்தாய்விற்கு 91 மாணவர்கள் அழைக்கப்பட்டனர். அவர்களில் 88 மாணவர்கள் கலந்தாய்வில் பங்கேற்றனர். அவர்களில் 73 மாணவர்கள் எம்பிபிஎஸ் இடங்களையும், 2 மாணவர்கள் பிடிஎஸ் இடங்களையும் தேர்வு செய்துள்ளனர்.
மாற்றுத் திறனாளிகள் பிரிவில் நிரம்பாமல் காலியாக உள்ள இடங்கள் பொதுப்பிரிவு கலந்தாய்வில் நிரப்பப்பட உள்ளது. அரசுப் பள்ளி மாணவர்களுக்கான சிறப்பு கலந்தாய்வு நாளை(ஜன.28) நடைபெறுகிறது.
இதையும் படிங்க: கல்லூரி, பயிற்சி நிலையங்கள் திறக்க வாய்ப்பு?
