அண்ணா பல்கலைக்கழக இறுதியாண்டு மாணவர்களுக்கான செமஸ்டர் தேர்வு வரும் 24 முதல் 29 ஆம் தேதி வரை ஆன்லைனில் நடக்க இருக்கிறது. ஒவ்வொரு தேர்வும் 1 மணி நேரம் நடைபெறும் என்று தெரிவிக்கப்பட்டுள்ள இத்தேர்வுகள், காலை 10 முதல் 11 மணி வரையும், நண்பகல் 12 முதல் 1 மணி வரையும், பிற்பகல் 2 முதல் 3 மணி வரையும் மற்றும் மாலை 4 முதல் 5 மணி வரையும் 4 வேளைகளாக நடைபெற உள்ளது.
இத்தேர்வின் வினாத்தாளில் உள்ள 40 கேள்விகளில், 30 கேள்விகளுக்கு மட்டும் மாணவர்கள் பதிலளிக்கலாம் என்றும், பாடப்பிரிவுகளில் ஏதேனும் 4 தலைப்புகளை மாணவர்கள் பயின்றால் போதுமானது என்றும் தெரிவிக்கப்பட்டுள்ளது. மேலும், தேர்வுக்கு பயன்படும் கேமரா, மைக், லேப்டாப் உள்ளிட்டவற்றை மாணவர்கள் தயாராக வைத்திருக்கவும் அறிவுறுத்தப்பட்டுள்ளது.
ஆன்லைன் தேர்வின் போது மின்சார பிரச்னை, சிக்னல் குளறுபடி என ஏதேனும் ஏற்பட்டால், மாணவர்கள் உடனடியாக தங்களது ஆசிரியர்களுக்கு தெரிவிக்க வேண்டும் என அண்ணா பல்கலைக்கழகம் தெரிவித்துள்ளது. மேலும், இத்தேர்விற்கான மாதிரி ஆன்லைன் தேர்வு வரும் 19, 20, 21 ஆகிய தேதிகளில் நடைபெறும் என்றும் அறிவிக்கப்பட்டுள்ளது.
இதையும் படிங்க: பச்சையப்பன் கல்லூரி ஆசிரியர்கள் பணி நீக்கத்தைக் கண்டித்து போராட்டம்
