சந்தை நிலவரம்: வாரத்தின் முதல் நாளில் உயர்வு கண்ட இந்திய சந்தைகள்

வாரத்தின் முதல் நாளான இன்று இந்திய பங்குச் சந்தைகள் கணிசமான உயர்வைச் சந்தித்துள்ளன.

வர்த்தக நாள் முடிவில் சென்செக்ஸ் 276.65 புள்ளிகள் (0.71 விழுக்காடு) உயர்ந்து 39,263.85 புள்ளியிலும், தேசியப் பங்குச்சந்தை குறியீட்டு எண் நிஃப்டி 86.40 புள்ளிகள் (0.76 விழுக்காடு) உயர்ந்து 11,503.35 புள்ளியிலும் வர்த்தகம் நிறைவடைந்தன.

ஏற்றம், இறக்கம் கண்ட பங்குகள்:

அதிகபட்சமாக டி.சி.எஸ் நிறுவனத்தின் பங்குகள் 7.55 விழுக்காடு உயர்வைச் சந்தித்தது. அதற்கு அடுத்தபடியாக விப்ரோ, டாடா ஸ்டீல், சன் பார்மா உள்ளிட்ட நிறுவனங்களின் பங்குகள் அதிக உயர்வைச் சந்தித்தன. அதேவேளை பஜாஜ் பைன்ஸ், பாரதி ஏர்டெல், கெயில் உள்ளிட்ட நிறுவனங்களின் பங்குகளும் சரிவைக் கண்டன.

தங்கம், வெள்ளி விலை:

சென்னையில் 22 கேரட் 10 கிராம் ஆபரணத் தங்கத்தின் விலை ரூ.48,020-க்கு விற்பனையானது. வெள்ளியின் விலை ஒரு கிலோ ரூ.60,700-க்கு விற்பனையானது.

பெட்ரோல், டீசல் விலை:

சென்னையில் ஒரு லிட்டர் பெட்ரோல் ரூ.84.14க்கும், டீசல் ரூ.75.95க்கும் விற்பனையானது.

இதையும் படிங்க: வட்டி மீதான வட்டி தள்ளுபடி - பெரும் கடனாளர்களுக்கு மட்டுமே நிவாரணம்!