கடந்த மூன்று வாரங்களில் புதியவகை உருமாறிய கரோனா தொற்று பரவல் எண்ணிக்கை டெல்லியில் அதிகரித்து வருவதால், டெல்லி அரசு வரும் 30ஆம் தேதி வரை இரவு நேர ஊரடங்கு உத்தரவு விதித்துள்ளது. இந்த ஊரடங்கு இரவு 10 மணிமுதல் காலை 5 மணிவரை அமலில் இருக்கும் என டெல்லி அரசு தெரிவித்துள்ளது.
டெல்லியில், நேற்று (ஏப். 05) வரை பதிவாகியுள்ள கரோனா தொற்றால் பாதிக்கப்பட்டவர்களின் எண்ணிக்கை 3,548ஆக பதிவாகியுள்ளது.
இதுவரை மொத்தமாக பாதிக்கப்பட்டவர்களின் எண்ணிக்கை ஆறு லட்சத்து 79 ஆயிரத்து 962ஆக உள்ளது. தொற்று உறுதியானோரின் எண்ணிக்கை 5.54 விழுக்காடாக உள்ளது என்று டெல்லி அரசு வெளியிட்டுள்ள சுகாதார அறிக்கையில் தெரிவிக்கப்பட்டுள்ளது.
