கேரள மாநிலம் கோழிக்கோட்டில் இன்று (செப்.20) ஓணம் பம்பர் லாட்டரி முடிவுகள் அறிவிக்கப்பட்டுள்ளன. முதல் பரிசான 25 கோடி ரூபாய் TE 230662 என்ற டிக்கெட்டு எண்ணிற்கு கிடைத்தது. கோழிக்கோடு ஏஜென்சியால் விற்கப்பட்ட இந்த டிக்கெட் பாலக்காட்டின் வாளையாரில் வாங்கப்பட்டது. முதல் பரிசு பெறுபவர் 30 விழுக்காடு வருமான வரி விலக்குக்குப் பிறகு சுமார் 17.5 கோடி ரூபாய் பெறுவார்.
இதில், இரண்டாம் பரிசாக 20 பேருக்கு தலா 1 கோடி ரூபாயும், மூன்றாம் பரிசாக 20 பேருக்கு 50 லட்சம் ரூபாயும் பரிசாக வழங்கப்படும். நான்காவது பரிசாக 10 பேருக்கு 5 லட்சம் ரூபாய் வழங்கப்படும்.
இந்த ஆண்டு மொத்தம் 85 லட்சம் டிக்கெட்டுகள் அச்சிடப்பட்டன. அதில், செவ்வாய்க்கிழமை (செப்.19) மாலை வரை சுமார் 75 லட்சம் டிக்கெட்டுகள் விற்பனையாகியுள்ளன. பம்பர் லாட்டரி வரலாற்றில் டிக்கெட் விற்பனையில் இதுவே அதிகமான டிக்கெட்டுகள் விற்பனை செய்யப்பட்டுள்ளன. இந்த ஆண்டு ஓணம் பம்பர் டிக்கெட்டின் விலை 500 ரூபாக்கு விற்கப்பட்டது.
இதையும் படிங்க: ‘பிசிசிஐ கோல்டன் டிக்கெட்’.. நன்றி தெரிவித்த ரஜினிகாந்த்!
