டெல்லி: மத்திய சுகாதாரத்துறை வெளியிட்டுள்ள தகவலின்படி, நாடு முழுவதும் புதிதாக 9 ஆயிரத்து 923 பேருக்கு கரோனா தொற்று உறுதி செய்யப்பட்டுள்ளது. இது நேற்றைய பாதிப்பை விட குறைவாகும். ஒரே நாளில் மேலும் 17 பேர் கரோனா பாதிப்பால் உயிரிழந்துள்ளனர். 7 ஆயிரத்து 293 பேர் கரோனா பாதிப்பிலிருந்து குணமடைந்து வீடு திரும்பியுள்ளனர்.
இதுவரை 4 கோடியே 27 லட்சத்து 15 ஆயிரத்து 193 பேர் குணமடைந்து வீடு திரும்பியுள்ளனர். குணமடைவோர் விகிதம் 98 புள்ளி 6 சதவீதமாகவும், பாதிக்கப்படுவோர் விகிதம் 2 புள்ளி 5 சதவீதமாகவும் உள்ளது. தற்போதைய நிலவரப்படி 79 ஆயிரத்து 313 பேர் கரோனா பாதிப்புடன் சிகிச்சை பெற்று வருகின்றனர். இதுவரை 196 கோடியே 32 லட்சம் கரோனா தடுப்பூசி டோஸ்கள் செலுத்தப்பட்டுள்ளதாக தெரிவிக்கப்பட்டுள்ளது.
இதையும் படிங்க: சர்வதேச யோகா தின கொண்டாட்டம்- யோகா செய்து அசத்திய எல்லை காவல் படையினர்
