புதுச்சேரி: கரோனா தொற்று பாதிப்பு குறைந்துவந்ததையடுத்து தமிழ்நாட்டிலும், புதுச்சேரியிலும் செப்டம்பர் 1ஆம் தேதி முதல், 9 முதல் 12ஆம் வகுப்பு மாணவர்களுக்கு நேரடி வகுப்புகள் தொடங்கப்பட்டன. இதையடுத்து, புதுச்சேரியில் 1 முதல் 8ஆம் வகுப்பு மாணவர்களுக்கு நவ.8ஆம் தேதி முதல் பள்ளிகள் திறக்கப்படும் என்று தெரிவிக்கப்பட்டது.
இதனிடையே நவம்பர் 4ஆம் தேதி தீபாவளி பண்டிகை கொண்டாடப்படுவதை ஒட்டி, நவம்பர் 2, 3ஆம் தேதிகளில் பள்ளிகளுக்கு விடுமுறை அளிக்கப்படுவதாக அறிவிக்கப்பட்டுள்ளது.
இதேபோல தமிழ்நாட்டில் நவ.1ஆம் தேதி முதல் பள்ளிகள் திறப்பட்ட உள்ளதாக அறிவிக்கப்பட்டுள்ளதால் தீபாவளி விடுமுறை குறித்து விரைவில் அறிவிப்பு வெளியாகும் என எதிர்பார்க்கப்படுகிறது.
இதையும் படிங்க: 7 மாவட்டங்களில் பள்ளிகளுக்கு விடுமுறை!
