கூட்ச் (குஜராத்) : பாகிஸ்தான் நாட்டுக்கு உளவு பார்த்த குற்றஞ்சாட்டில் இந்திய துணை ராணுவ படை வீரர் ஒருவர் கைதுசெய்யப்பட்டுள்ள சம்பவம் பெரும் பரபரப்பை ஏற்படுத்தியுள்ளது.
குஜராத் பயங்கரவாத தடுப்பு அலுவலர்களால் கைது செய்யப்பட்டுள்ள ராணுவ வீரர் முகம்மது சஜ்ஜத் (Mohammad Sajjad) யூனியன் பிரதேசமான ஜம்மு காஷ்மீரின் ரஜோரி ( Rajouri) மாவட்டத்தில் உள்ள சரோலா (Sarola) என்ற கிராமத்தில் பிறந்தவர்.
பாகிஸ்தானில் 46 நாள்கள்..
இவர் எல்லை பாதுகாப்பு படையில் (BSF) 2012ஆம் ஆண்டு காவலர் ஆக பணியில் சேர்ந்தார். இதற்கு முன்னதாக 2011, டிச.1 பாகிஸ்தானுக்கு அட்டாரி ரயில்வே நிலையத்திலிருந்து (Attari railway station) சம்ஜௌதா எக்ஸ்பிரஸ் (Samjhauta Express) ரயிலில் பாகிஸ்தான் சென்றுள்ளார்.
அங்கு 46 நாள்கள் பொழுதை கழித்த இவர், பல்வேறு இடங்களுக்கு சுற்றிவிட்டு ஜனவரி 16ஆம் தேதி 2012 இந்தியா திரும்பியுள்ளார். இது குறித்த தகவல்கள் குஜராத் பயங்கரவாத எதிர்ப்பு அலுவலர்களுக்கு கிடைத்தவுடன் சஜ்ஜத் விவகாரத்தில் உஷாராகியுள்ளனர்.
தொடர்ந்து, சஜ்ஜத் யார் யாருடன் தொடர்பில் உள்ளார், அவருக்கு உதவும் நபர்கள் யார், அவர் யார் யாருக்கு உதவுகிறார் என்றெல்லாம் தகவல்களை சேகரித்துள்ளனர்.
இரு மொபைல் போன்கள்- வாட்ஸ்அப் உரையாடல்
இந்நிலையில் சஜ்ஜத் இரு மொபைல் போன்களை பயன்படுத்துவது தெரியவந்துள்ளது. அந்த மொபைல் போன்கள் மூலம் தனது சகோதர் வாஜித் மற்றும் தன்னுடன் வேலைபார்க்கும் இக்பால் ராஷித் ஆகியோருடன் பேசியுள்ளார்.
வாட்ஸ் அப் உரையாடல்களும் நிகழ்ந்துள்ளன. இதில், பணம் பெற்றுக்கொண்டு உளவுத் தகவல்களை பாகிஸ்தானுக்கு அனுப்பியுள்ளது தெரியவந்துள்ளது. இதையடுத்து மேற்கூறிய இரண்டு நபர்களிடமும் காவலர்கள் விசாரணை நடத்த தீவிரம் காட்டிவருகின்றனர்.
திரிபுரா-குஜராத்
சஜ்ஜத் முதலில் ஒரு சிம்கார்டை பயன்படுத்தியுள்ளார். இந்தச் சிம்கார்டும் அலுவலர்களால் சோதிக்கப்பட்டது. இதிலுள்ள பழைய தகவல்கள் மீட்டெடுக்கப்பட்டன. இந்த சிம்கார்டு திரிபுரா மாநிலத்தைச் சேர்ந்த சத்யபால் என்பவருக்கு சொந்தமானது. இந்த சிம்கார்டில் இருந்து சஜ்ஜத் இரு உரையாடல்கள் மேற்கொண்டுள்ளார்.
15 ஆண்டுகளுக்குப் பின் குஜராத் குண்டுவெடிப்பு குற்றவாளி காஷ்மீரில் கைது
எல்லை பாதுகாப்பு படையில் 7 ஆண்டுகள் பணியாற்றியுள்ள சஜ்ஜத், திரிபுராவில் தனது பணியை தொடங்கினார். பின்னர் அங்கிருந்து குஜராத் கூட்ச் காந்திதாம் நகருக்கு மாறுதலாகிவந்துள்ளார்.
பொறிக்குள் சிக்கிய எலி
இவரது நடவடிக்கையில் சந்தேகப்பட்ட குஜராத் பயங்கரவாத தடுப்பு காவலர்கள், எலிக்கு பொறி வைப்பது பொறி வைத்து பிடித்ததாக தகவல் வெளியாகியுள்ளது.
அதாவது அவரின் நடவடிக்கையில் தொடர்ந்து சந்தேகம் ஏற்பட்டு, பல நாள்கள் தீவிர கண்காணிப்புக்கு பின்னர் அவர் கைதுசெய்யப்பட்டார் என்று குஜராத் பயங்கரவாத தடுப்பு அலுவலர்கள் தரப்பில் தெரிவிக்கப்பட்டுள்ளது.
இதையும் படிங்க : இந்தியா 75 - ஜம்மு காஷ்மீரை காக்க உயிர் தியாகம் செய்த மக்பூல் ஷெர்வானி
