சந்திரயான்-2 விண்கலம் இன்று வெற்றிகரமாக விண்ணில் செலுத்தப்பட்டது. இதற்கு பல்வேறு தலைவர்களும் வாழ்த்து தெரிவித்து வருகின்றனர்.
பிரதமர் மோடி:
சந்திரயான்-2 போன்ற முயற்சிகள் நம் இளைஞர் சமுதாயத்தை அறிவியல், ஆராய்ச்சி ஆகியவற்றை நோக்கிச் செல்ல ஊக்குவிக்கும். இந்தத் திட்டத்திற்கு நன்றி. இதன் மூலம் சந்திரனைப் பற்றியுள்ள அறிவு மேம்படும்.
குடியரசுத் தலைவர் ராம்நாத் கோவிந்த்:
சந்திரயான்-2 விண்வெளியில் ஏவப்பட்டது அனைத்து இந்தியர்களுக்கும் பெருமை மிக்க செய்தி. இதற்கு உழைத்த அனைத்து விஞ்ஞானிகளுக்கும், பொறியாளர்களுக்கும் வாழ்த்து தெரிவித்துக் கொள்கிறேன்.
குடியரசு துணைத் தலைவர் வெங்கைய நாயுடு:
சந்திரயான்-2 விண்கலம் விண்வெளியில் வெற்றிகரமாக ஏவப்பட்டது. அனைத்து இந்தியர்களுக்கும் வாழ்த்து தெரிவித்துக் கொள்கிறேன். இந்தச் சாதனையால் இந்தியா பெருமை கொள்கிறது.
