தமிழ்நாட்டின் நாங்குநேரி, விக்கிரவாண்டி, புதுச்சேரி மாநிலத்தின் காமராஜ் நகர் ஆகிய தொகுதிகளுக்கு கடந்த 21ஆம் தேதி இடைத்தேர்தல் நடந்தது. புதுச்சேரியில் திமுக, காங்கிரஸ் கூட்டணி வேட்பாளர் ஜான் குமார் அபார வெற்றிபெற்றார். மற்ற இரு தொகுதிகளிலும் அதிமுக வெற்றியைப் பதிவு செய்தது.
இதையும் படிங்க: புதுச்சேரி மாநில இடைத்தேர்தல் - திமுக வேட்பாளர் வெற்றி
இதையடுத்து ஜான் குமார் பதவியேற்பு விழா, புதுச்சேரி சட்டப்பேரவை வளாகத்தில் நடந்தது. அவருக்கு சட்டப்பேரவைத் தலைவர் சிவக்கொழுந்து பதவிப் பிரமாணம் செய்துவைத்தார். இதையடுத்து முதலமைச்சர் நாராயணசாமி ஜான் குமாருக்கு பூங்கொத்து கொடுத்து சால்வை அணிவித்து வாழ்த்து தெரிவித்தார்.
இந்நிகழ்வில் துணை சபாநாயகர் பாலன், அமைச்சர்கள் நமச்சிவாயம், கந்தசாமி, நாடாளுமன்ற உறுப்பினர் வைத்திலிங்கம், அரசு கொறடா அனந்தராமன், சட்டப்பேரவை உறுப்பினர்கள் வெங்கடேசன், சட்டப்பேரவைச் செயலர் வின்சென்ட் ராயர், காங்கிரஸ் பிரமுகர்கள், திமுக, இடதுசாரி விடுதலைச் சிறுத்தைகள் கட்சி உள்ளிட்ட கூட்டணிக் கட்சியினர் திரளாகக் கலந்துகொண்டனர்.
இதையும் படிங்க: புதுச்சேரி - குருத்தோலை விழாவில் நாராயணசாமி பங்கேற்பு
