சென்னை ஐஐடியின் 56ஆவது பட்டமளிப்பு விழாவில் பங்கேற்பதற்காகவும், சிங்கப்பூர்-இந்தியா ஹாக்கதான் நிகழ்ச்சியில் கலந்துகொள்வதற்காகவும் பிரதமர் நரேந்திர மோடி இன்று சென்னை வந்துள்ளார். மோடி எப்போது தமிழ்நாடு சென்றாலும் அவரை எதிர்க்கும் விதமாகவும், வரவேற்கும் விதமாகவும் ஹேஷ்டாக்குகள் ட்ரெண்டாவது வழக்கமான ஒன்று.
இந்நிலையில், பிரதமர் மோடியின் இன்றைய வருகையால் ட்விட்டரில் அவரை வரவேற்கும் விதமாக #TNWelcomesModi என்ற ஹேஷ்டாகும், அவரை எதிர்க்கும் விதமாக #gobackmodi என்ற ஹேஷ்டாகும் ட்ரெண்டாகியுள்ளது. ஆனால், உலகளவில் #gobackmodi என்ற ஹேஷ்டாக்கே தொடர்ந்து ட்ரெண்டாகி வருகிறது.
மக்களவைத் தேர்தல் பரப்புரையின் போதும் அதற்கு முன்னரும் மோடி தமிழ்நாடு வந்தபோது இதே ஹேஷ்டாக்குகள் ட்ரெண்டாகியது குறிப்பிடத்தக்கது.
