கட்டடங்கள், வீடுகளில் வாழாமல் நடைபாதை, பாலங்களுக்கு கீழ், ரயில்வே நடைமேடை ஆகியவற்றில் வாழ்பவர்களை வீடற்றோர் என 2011ஆம் ஆண்டு எடுக்கப்பட்ட சென்சஸ் கூறுகிறது. நகரங்கள், கிராமங்கள் என இரண்டிலும் வீடற்றோரின் எண்ணிக்கை கணிசமாக உள்ளது. 2001 முதல் 2011 வரையிலான பத்தாண்டு காலத்தில் வீடற்றோர்களின் தொகை 28.4 விழுக்காடு குறைந்துள்ளது. ஆனால், அதே சமயத்தில் அவர்களின் எண்ணிக்கை நகரங்களில் 20.5 விழுக்காடு அதிகரித்தது. வீடற்றோர்களின் தலைநகரங்களாக பெரும் நகரங்கள் திகழ்கின்றன.
2011ஆம் ஆண்டு எடுக்கப்பட்ட சென்சஸ்படி, இந்தியாவில் 17 லட்சம் பேர் வீடுகளின்றி உள்ளனர். அதில், 9,38,384 பேர் நகரங்களில் வாழ்கின்றனர். மொத்த மக்கள் தொகையில் இது 0.19 விழுக்காடாகும். நகரவாசிகளில் ஒரு விழுக்காட்டினர் வீடற்றவர்களாக உள்ளனர் என சிவில் சமூக அமைப்புகள் தெரிவிக்கிறது. இதன்மூலம், 30 லட்சம் நகரவாசிகள் வீடின்றி வாழ்கின்றனர் என கணிக்கலாம்.
வீடற்றவர்களின் எண்ணிக்கை 1,50,000 முதல் 2,00,000 வரை இருக்கலாம் என சிவில் சமூகம் கணிக்கிறது. அதில், பத்தாயிரம் பேர் பெண்கள் எனவும் கூறப்படுகிறது. உலகிலேயே வீடற்ற குழந்தைகளின் எண்ணிக்கை இந்தியாவில்தான் அதிகம். ஆனால், அதற்கான அதிகாரப்பூர்வ ஆவணங்கள் ஏதும் இல்லை. அவர்களின் தேவையை போக்க சிறப்பு திட்டங்கள் ஏதும் வகுக்கப்படவில்லை.
நகரங்களில் வாழும் வீடற்றவர்களின் விவரங்கள்
- டெல்லி - 1,50,000 - 2,00,000
- சென்னை - 40,000 - 50,000
- மும்பை - 2,00,000
- இந்தூர் - 10,000 - 12,000
- விசாகப்பட்டினம் - 18,000
- பெங்களூரு - 40,000 - 50,000
- ஹைதராபாத் - 60,000
- அகமதாபாத் - 1,00,000
- பாட்னா - 25,000
- கொல்கத்தா - 1,50,000
- லக்னோ - 19,000
கரோனா வைரஸ் நோயால் உலக நாடுகளே திக்குமுக்காடிவருகிறது. பல்வேறு தரப்பினர் பெரிய அளவில் பாதிக்கப்பட்டிருந்தாலும், வீடற்றவர்கள் அடிப்படை வசதிகள்கூட இல்லாமல் தவித்துவருகின்றனர்.
ஊரடங்கால் வீடற்றவர்கள் சந்திக்கும் பிரச்னைகள்
- உணவு
- ஊரடங்கால் வீடற்ற புலம்பெயர்ந்தவர்களின் எண்ணிக்கை அதிகரித்துள்ளது.
- கரோனா வைரஸ் நோயால் அவர்கள் பாதிப்படைவதற்கு நிறைய வாய்ப்புகள் உள்ளன.
- கிருமி நாசினி, முகக்கவசம் போன்றவை அவர்களுக்கு கிடைப்பதில்லை.
- நோய் குறித்த விழிப்புணர்வு அவர்களுக்கு இல்லை.
வீடற்றவர்களுக்கு உதவும் நோக்கில் எடுக்கப்பட்ட நடவடிக்கைகள்
- வீடற்றவர்கள் குறிப்பாக தினக்கூலிகளுக்கு உதவும் நோக்கில் இலவச உணவு வழங்கப்படும் என டெல்லி முதலமைச்சர் அரவிந்த் கெஜ்ரிவால் அறிவித்துள்ளார்.
- மீரட்டைச் சேர்ந்த காவலர் ஒருவர் தனது சமையலறையை ஏழை மக்களுக்கு சமைத்து கொடுக்கும் இடமாக மாற்றியுள்ளார்.
- கார்ப்பரேட் கம்பெனிகளின் சமூக பொறுப்புணர்வு நிதியின் மூலம் வீடற்றவர்களுக்கு உதவ வேண்டும் என மகாராஷ்டிரா அரசு கோரிக்கை விடுத்துள்ளது.
- ராஜஸ்தான் மாநிலம் கோட்டாவில் விடுதிகளில் தங்கி நுழைவுத் தேர்வுக்கு தயாராகிக் கொண்டிருக்கும் 50,000 மாணவர்கள் வீடற்ற ஏழைகளுக்கு உணவு அளித்துவருகின்றனர்.
இதையும் படிங்க: இந்தியாவில் கோவிட்-19 பாதிப்பு: மாநிலங்கள் வாரியாக முழு விவரம்
