காஷ்மீர் மாநிலத்தில் அமர்நாத் வரும் பக்தர்கள் மீது பயங்கரவாதிகள் தாக்குதலை நடத்தத் திட்டமிட்டுள்ளதாக உளவுத் துறைக்குக் கிடைத்த தகவலையடுத்து, காஷ்மீர் மாநிலத்தில் அதிக அளவில் பாதுகாப்புப் படையினர் குவிக்கப்பட்டுவருகின்றனர்.
இந்நிலையில், சோபூரின் மல்மபன்போரா பகுதியில் இன்று அதிகாலை பயங்கரவாதிகளுக்கும் பாதுகாப்புப் படையினருக்கும் இடையே துப்பாக்கிச் சண்டை நடைபெற்றுவருகிறது. இதில் ஒரு பாதுகாப்புப் படை வீரர் காயமடைந்துள்ளார்.
மேலும், அப்பகுதி முழுவதும் பாதுகாப்புப் படையினரின் கட்டுப்பாட்டுக்குள் வந்துள்ளதாகத் தகவல்கள் வெளியாகியுள்ளன.
