மத்திய அரசின் பணியாளர் திட்டத்தின் கீழ் ஊழல் கண்காணிப்பு ஆணையத்தில் மாநில அரசுகளின் பிரதிநிதிகள் பணிபுரியும் வாய்ப்பை மத்திய அரசு வழங்கிவருவது வழக்கம்.
அந்தவகையில் ஆணையத்திற்கான தொலைதூர குழுவாக செயல்படும் தலைமை ஊழல் கண்காணிப்பு அலுவலர் பதவிகளுக்காக மாநில மற்றும் யூனியன் பிரதேச அரசுகளிடம் ஊழல் கண்காணிப்பு துறையிலிருந்து தகுதி வாய்ந்தோர் பெயர் பட்டியலை மத்திய அரசு கோரியுள்ளது.
கடந்த ஆண்டு நவம்பரில் மாதம் மத்திய அரசு முன்வைத்த வேண்டுகோளின்படி மாநில அரசுகள், போதுமான எண்ணிக்கை கொண்ட பரிந்துரை பட்டியலை இன்னும் வழங்கவில்லை என கூறப்படுகிறது.
இது தொடர்பாக பணியாளர் அமைச்சகம் வெளியிட்டுள்ள செய்திக் குறிப்பில், "ஊழல் கண்காணிப்பு வாரியத்தின் இயக்குநர் பதவி, பல்வேறு இடைநிலைப் பணியாளர்கள், சேவை அலுவலர்களின் பிரதிநிதித்துவத்திற்காக இதுவரை பெறப்பட்ட விருப்ப மனுக்களின் எண்ணிக்கையும் மிகக் குறைவாகவே உள்ளதால், குறைந்தபட்ச பரிந்துரையைப் பெற்ற பின்னரே இறுதி முடிவு எடுக்கப்படும்.
குறிப்பாக துணை செயலர், இயக்குநர் மட்டத்தில் நீடிக்கும் குறைவான பணியாளர்கள் இருப்பதால் நிர்வாகத்தில் கடுமையான இடைவெளிகளை ஏற்படுத்துகிறது.
மேலும், பிரதிநிதித்துவம் பெறுவதை உறுதி செய்வதோடு, ஒவ்வொரு நபருக்கும் ஒரு டெபுடேஷனும் ஒதுக்கீடு செய்ய அனுமதிக்கப்படுகிறது. இது அவர்களின் துறை சார்ந்த அனுபவத்தை பரவலாக்கவும் உதவும். எதிர்காலத்தில் நியமிக்கப்பட வேண்டிய பணியாளர் மறு ஆய்வு திட்டங்களை கருத்தில் கொண்டு இந்த அம்சமும் பார்வையில் முன்வைக்கப்படும்.
பல்வேறு மட்டங்களில் மத்திய பணியாளர் திட்டத்திற்கு போதுமான வேட்பு மனுக்களை அனுப்பாத பணியாளர்கள் எதிர்காலத்தில் குறைந்த எண்ணிக்கையிலான மூத்த பதவிகளுக்கு, அதற்கான குறைப்பு மூலம் தீர்வு காண வேண்டியிருக்கும் என அமைச்சகம் கருதுகிறது.
மத்திய பணியாளர் திட்டத்தின் கீழ் பல்வேறு நிலைகளில் நியமனம் செய்ய அதிக எண்ணிக்கையிலான அலுவலர்கள் பரிந்துரைக்கப்பட வேண்டும்.
அத்துடன், முழு பணிக்காலத்திற்கு பணிசெய்யக்கூடிய அலுவலர்களின் பெயர்கள் மட்டுமே அனுப்பப்படுகிறது என்பதையும் உறுதி செய்ய வேண்டும்" என அதில் கூறப்பட்டுள்ளது.
இந்தக் குறிப்பு மாநில அரசுகளின் தலைமை செயலர்கள் மற்றும் மத்திய அரசு துறைகளின் செயலர்களுக்கு அனுப்பப்பட்டுள்ளது என்பது குறிப்பிடத்தக்கது.
