வங்கதேசத்தில் கோயில்கள் மீது தாக்குதல்: போராட்டம் நடத்த அனுமதி கேட்டு உயர் நீதிமன்றத்தில் முறையீடு! - Madras High court

வங்கதேசத்தில் உள்ள இந்துக்கள் மற்றும் இந்து ஆலயங்களை பாதுகாக்க, மத்திய அரசை வலியுறுத்தி போராட்டம் நடத்த அனுமதி வழங்க வேண்டும் என தொடர்ந்த வழக்கை அவசர வழக்காக விசாரிக்க இந்து முன்னணி முறையிட்ட நிலையில், இதனை சென்னை உயர்நீதிமன்றம் மறுத்துள்ளது.

சென்னை: வங்கதேசத்தில் சுதந்திர போராட்ட வீரர்களின் வாரிசுகளுக்கு வழங்கப்பட்ட இட ஒதுக்கீடு விவகாரத்திற்கு எதிராக மாணவர்கள் நடத்திய போராட்டம் வன்முறையாக மாறியது. இதில், 300க்கும் அதிகமானோர் உயிரிழந்தனர்.

இதையடுத்து, பிரதமர் ஷேக் ஹசீனா பதவியில் இருந்து விலகி இந்தியாவில் தஞ்சமடைந்தார். அதனைத் தொடர்ந்து பிரதமர் இல்லம் மற்றும் அமைச்சர்கள் இல்லங்கள் பொதுமக்களால் சூறையாடப்பட்டன. அங்குள்ள இந்துக்கள் மீதும் இந்து ஆலயங்கள் மீதும் தாக்குதல் நடத்தப்பட்டு வருகிறது.

இந்நிலையில், வங்கதேசத்தில் உள்ள இந்துக்கள் மற்றும் இந்து ஆலயங்களுக்கான பாதுகாப்பை உறுதிப்படுத்த மத்திய அரசை வலியுறுத்தி போராட்டம் நடத்த அனுமதி வழங்க அரசுக்கு உத்தரவிட வேண்டும் என இந்து முன்னணி சார்பாக சென்னை உயர்நீதிமன்றத்தில் வழக்கு தொடரப்பட்டது. மேலும் இவ்வழக்கை அவசர வழக்காக விசாரிக்க முறையீடு செய்யப்பட்டது.

இந்த முறையீட்டை ஏற்க மறுத்த நீதிபதி ஜி.ஜெயச்சந்திரன், மத்திய அரசு தேவையான அனைத்து நடவடிக்கைகளையும் எடுத்துள்ளது. வழக்கை உடனடியாக விசாரணைக்கு எடுக்க அவசியமில்லை. மனு எண்ணிடும் பணிகள் முடிந்ததும் வழக்கமான நடைமுறைப்படி வழக்கு விசாரிக்கப்படும் என தெரிவித்தார்.

join ETV Bharat whatsApp channel click here (ETV Bharat Tamil Nadu)

ஈடிவி பாரத் தமிழ் வாட்ஸ்ஆப் சேனலில் இணைய இங்கே க்ளிக் செய்யவும்

இதையும் படிங்க: கஞ்சா விவகாரம்; தேனியில் சவுக்கு சங்கர் மீது பாய்ந்த குண்டாஸ்! - Savukku Shankar goondas Act