ਯੂਰੀਆ ਲੈ ਕੇ ਪਹੁੰਚੀਆ 2 ਮਾਲ ਗੱਡੀਆ ਹੋਈਆਂ ਵਾਪਿਸ

ਤਰਨ ਤਾਰਨ: ਕੇਂਦਰ ਸਰਕਾਰ ਵੱਲੋਂ ਲਾਗੂ ਖੇਤੀ ਕਾਨੂੰਨਾਂ ਦੇ ਵਿਰੋਧ 'ਚ ਪਿਛਲੇ 2 ਮਹੀਨੇ ਤੋਂ ਰੇਲ ਰੋਕੋ ਅੰਦੋਲਨ ਚੱਲ ਰਿਹਾ ਸੀ। ਰੇਲਾਂ ਬੰਦ ਰਹਿਣ ਕਾਰਨ ਪੰਜਾਬ ਵਿੱਚ ਯੂਰੀਆ ਦੀ ਕਮੀ ਕਰਕੇ ਕਿਸਾਨਾਂ ਨੂੰ ਮੁਸ਼ਕਲ ਆਉਣ ਲੱਗ ਪਈ। ਪੰਜਾਬ ਸਰਕਾਰ ਨੇ ਇੱਕ ਮੀਟਿੰਗ ਕਿਸਾਨਾਂ ਨਾਲ ਕੀਤੀ ਕਿ ਪੰਜਾਬ ਵਿੱਚ ਸਪੈਸ਼ਲ ਰੇਲ ਗੱਡੀਆਂ ਚਲਾਉਣ ਲਈ ਰਾਹ ਦਿੱਤਾ ਜਾਵੇ ਤਾਂ ਜੋ ਪੰਜਾਬ ਵਿੱਚ ਯੂਰੀਆ ਖਾਦ ਦੀ ਆ ਰਹੀ ਕਮੀ ਨੂੰ ਪੂਰਾ ਕੀਤਾ ਜਾ ਸਕੇ। ਇਸ ਲਈ ਇਹ ਸਪੈਸ਼ਲ ਰੇਲ ਗੱਡੀਆਂ ਯੂਰੀਆ ਦੇ ਲਈ ਚਲਾਉਣ ਲਈ ਰਾਜੀ ਹੋਣ ਤੋਂ ਬਾਅਦ ਕਿਸਾਨਾ ਨੇ ਰੇਲ ਲਾਈਨਾਂ ਤੋ ਪ੍ਰਦਰਸ਼ਨ ਹਟਾ ਲਿਆ ਸੀ। ਤਰਨ ਤਾਰਨ ਵਿੱਚ ਸਵੇਰੇ 2 ਸਪੈਸ਼ਲ ਮਾਲ ਗੱਡੀਆਂ ਯੂਰੀਆ ਖਾਦ ਸਹਿਤ ਪਹੁੰਚੀਆ, ਪਰ ਐਫਸੀਆਈ ਦੀ ਡਿਮਾਂਡ ਨਾ ਆਉਣ ਕਾਰਨ ਮਾਲ ਗੱਡੀਆਂ ਵਾਪਿਸ ਭੇਜ ਦਿੱਤੀਆਂ ਗਈਆਂ।