ਹੈਦਰਾਬਾਦ: ਸੈਮਸੰਗ ਨੇ ਭਾਰਤ ਵਿੱਚ ਇੱਕ ਨਵਾਂ ਸਮਾਰਟਫੋਨ ਲਾਂਚ ਕੀਤਾ ਹੈ, ਜਿਸਦਾ ਨਾਮ Samsung Galaxy F06 5G ਹੈ। ਇਹ ਫੋਨ ਲੰਬੇ ਸਮੇਂ ਤੋਂ ਚਰਚਾ ਵਿੱਚ ਹੈ। ਹੁਣ ਇਸਨੂੰ ਆਖਰਕਾਰ ਮੀਡੀਆਟੈੱਕ ਡਾਇਮੈਂਸਿਟੀ 6300 ਚਿੱਪਸੈੱਟ ਨਾਲ ਲਾਂਚ ਕਰ ਦਿੱਤਾ ਗਿਆ ਹੈ। ਸੈਮਸੰਗ ਨੇ ਇਸ ਸਸਤੇ ਸਮਾਰਟਫੋਨ ਵਿੱਚ ਕੁੱਲ ਮਿਲਾ ਕੇ ਵਧੀਆ ਸਪੈਸੀਫਿਕੇਸ਼ਨ ਦਿੱਤੇ ਹਨ ਅਤੇ ਸ਼ੁਰੂਆਤੀ ਕੀਮਤ ਵੀ 10,000 ਰੁਪਏ ਤੋਂ ਘੱਟ ਰੱਖੀ ਗਈ ਹੈ। ਸੈਮਸੰਗ ਨੇ ਇਸ ਫੋਨ ਨੂੰ ਆਪਣਾ ਸਭ ਤੋਂ ਸਸਤਾ 5G ਫੋਨ ਕਿਹਾ ਹੈ।
Samsung Galaxy F06 5G ਦੀ ਕੀਮਤ
ਇਹ ਸੈਮਸੰਗ ਦਾ 5G ਸਮਾਰਟਫੋਨ ਹੈ ਅਤੇ ਕੰਪਨੀ ਨੇ ਇਸਨੂੰ ਦੋ ਰੰਗ ਨੀਲੇ ਅਤੇ ਵਾਇਲੇਟ ਕਲਰ ਆਪਸ਼ਨਾਂ ਵਿੱਚ ਪੇਸ਼ ਕੀਤਾ ਹੈ। ਇਸ ਫੋਨ ਦਾ ਪਹਿਲਾ ਵੇਰੀਐਂਟ 4GB+128GB ਹੈ, ਜਿਸਦੀ ਕੀਮਤ ਆਫਰ ਦੇ ਨਾਲ 9,499 ਰੁਪਏ ਹੈ। ਇਸ ਫੋਨ ਦਾ ਦੂਜਾ ਵੇਰੀਐਂਟ 6GB+128GB ਹੈ, ਜਿਸਦੀ ਕੀਮਤ ਆਫਰ ਦੇ ਨਾਲ 10,999 ਰੁਪਏ ਹੈ। ਇਨ੍ਹਾਂ ਦੋਵਾਂ ਕੀਮਤਾਂ ਵਿੱਚ 500 ਰੁਪਏ ਦਾ ਕੈਸ਼ਬੈਕ ਆਫਰ ਵੀ ਸ਼ਾਮਲ ਹੈ। ਇਹ ਫੋਨ ਸਿਰਫ਼ ਫਲਿੱਪਕਾਰਟ 'ਤੇ ਵੇਚਿਆ ਜਾਵੇਗਾ। ਫੋਨ ਦੀ ਪਹਿਲੀ ਵਿਕਰੀ ਦਾ ਐਲਾਨ ਜਲਦ ਹੀ ਕੀਤਾ ਜਾਵੇਗਾ।
Live-streaming ho ya smooth video calls - everything becomes superfast with India ka apna 5G - Galaxy F06 5G. Head to @Flipkart & Shopsy App to know more.
— Samsung India (@SamsungIndia) February 12, 2025
Visit now: https://t.co/ijcvJoyjL8#GalaxyF06 5G #IndiaKaApna5G #LoveForGalaxyF06 #Samsung pic.twitter.com/T3KfMZ9WkE
Samsung Galaxy F06 5G ਦੇ ਫੀਚਰਸ
Samsung Galaxy F06 5G ਸਮਾਰਟਫੋਨ ਵਿੱਚ 6.74-ਇੰਚ ਦੀ HD+ ਡਿਸਪਲੇਅ ਅਤੇ 800 nits ਹਾਈ ਬ੍ਰਾਈਟਨੈੱਸ ਮੋਡ ਦਿੱਤਾ ਗਿਆ ਹੈ। ਪ੍ਰੋਸੈਸਰ ਦੇ ਤੌਰ 'ਤੇ ਫੋਨ ਵਿੱਚ ਮੀਡੀਆਟੈੱਕ ਡਾਇਮੈਂਸਿਟੀ 6300 ਚਿਪਸੈੱਟ ਦਿੱਤੀ ਗਈ ਹੈ। ਇਸ ਫੋਨ ਨੂੰ 6GB ਰੈਮ ਅਤੇ 128GB ਸਟੋਰੇਜ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ। ਸੈਮਸੰਗ ਨੇ ਦਾਅਵਾ ਕੀਤਾ ਹੈ ਕਿ ਇਸ ਫੋਨ ਦੇ ਪ੍ਰੋਸੈਸਰ ਨੇ AnTuTu ਵਿੱਚ 4,16,000 ਸਕੋਰ ਕੀਤੇ ਹਨ। ਇਸਦਾ ਮਤਲਬ ਹੈ ਕਿ ਕੀਮਤ ਦੇ ਹਿਸਾਬ ਨਾਲ ਉਪਭੋਗਤਾਵਾਂ ਨੂੰ ਇਸ ਫੋਨ ਵਿੱਚ ਇੱਕ ਚੰਗਾ ਚਿੱਪਸੈੱਟ ਮਿਲੇਗਾ।
ਕੈਮਰੇ ਬਾਰੇ ਗੱਲ ਕਰੀਏ ਤਾਂ ਇਸ ਫੋਨ ਦੇ ਪਿਛਲੇ ਪਾਸੇ ਡਿਊਲ ਕੈਮਰਾ ਸੈੱਟਅਪ ਦਿੱਤਾ ਗਿਆ ਹੈ, ਜਿਸ ਦਾ ਪਹਿਲਾ ਕੈਮਰਾ 50MP ਅਤੇ ਦੂਜਾ ਕੈਮਰਾ 2MP ਡੈਪਥ ਸੈਂਸਰ ਦੇ ਨਾਲ ਆਉਂਦਾ ਹੈ। ਫੋਨ ਵਿੱਚ ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 8MP ਦਾ ਫਰੰਟ ਕੈਮਰਾ ਮਿਲਦਾ ਹੈ। ਸੈਮਸੰਗ ਨੇ ਇਸ ਫੋਨ ਵਿੱਚ 5000mAh ਦੀ ਬੈਟਰੀ ਦਿੱਤੀ ਹੈ, ਜੋ 25W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ ਆਉਂਦੀ ਹੈ। ਇਹ ਫ਼ੋਨ ਐਂਡਰਾਇਡ 15 'ਤੇ ਆਧਾਰਿਤ One UI 7 'ਤੇ ਚੱਲਦਾ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਹ ਇਸ ਫੋਨ ਵਿੱਚ 4 ਸਾਲਾਂ ਤੱਕ OS ਅੱਪਗ੍ਰੇਡ ਅਤੇ ਸੁਰੱਖਿਆ ਅਪਡੇਟ ਪ੍ਰਦਾਨ ਕਰੇਗੀ।
ਹੋਰ ਫੀਚਰਸ ਬਾਰੇ ਗੱਲ ਕੀਤੀ ਜਾਵੇ ਤਾਂ ਇਸ ਫੋਨ ਵਿੱਚ 5G ਕਨੈਕਟੀਵਿਟੀ ਨੂੰ ਤੇਜ਼ ਅਤੇ ਬਿਹਤਰ ਬਣਾਉਣ ਲਈ 12 5G ਬੈਂਡ ਹਨ। ਇਸ ਤੋਂ ਇਲਾਵਾ, ਇਸ ਵਿੱਚ ਸਾਈਡ ਮਾਊਂਟੇਡ ਫਿੰਗਰਪ੍ਰਿੰਟ ਸੈਂਸਰ, ਵੌਇਸ ਫੋਕਸ ਫੀਚਰ ਅਤੇ ਹੋਰ ਕਈ ਖਾਸ ਫੀਚਰ ਵੀ ਉਪਲਬਧ ਹਨ।
ਇਹ ਵੀ ਪੜ੍ਹੋ:-
