ਈਦ-ਉਲ-ਅਜ਼ਹਾ ਮੌਕੇ ਈਦਗਾਹ 'ਚ ਲੋਕਾਂ ਨੇ ਕੀਤਾ ਸਿਜਦਾ, ਵੇਖੋ ਵੀਡੀਓ

ਬਠਿੰਡਾ ਵਿੱਚ ਈਦ ਦਾ ਪਵਿੱਤਰ ਤਿਉਹਾਰ ਧੂਮ ਧਾਮ ਨਾਲ ਮਨਾਇਆ ਗਿਆ। ਇਸ ਮੌਕੇ ਸ਼ਹਿਰ ਦੀ ਈਦਗਾਹ ਵਿੱਚ ਵਿਸ਼ੇਸ਼ ਨਮਾਜ਼ ਅਦਾ ਕੀਤੀ ਗਈ। ਜ਼ਿਲ੍ਹਾ ਇਮਾਮ ਮੁਹੰਮਦ ਰਮਜ਼ਾਨ ਨਯਨੀ ਨੇ ਇਸ ਮੌਕੇ 'ਤੇ ਨਮਾਜ਼ ਅਦਾ ਕਰਵਾਉਂਦੇ ਹੋਏ ਇੱਕ-ਦੂਜੇ ਨੂੰ ਈਦ ਦੀ ਵਧਾਈ ਦਿੱਤੀ। ਜ਼ਿਲ੍ਹਾ ਇਮਾਮ ਮੁਹੰਮਦ ਰਮਜ਼ਾਨ ਨਯਨੀ ਨੇ ਕਿਹਾ ਕਿ ਈਦ ਕੁਰਬਾਨੀ ਬਲੀਦਾਨ ਦਾ ਇਤਿਹਾਸ ਹੈ। ਇਸ ਮੌਕੇ ਬਠਿੰਡਾ ਜ਼ੋਨ ਦੇ ਆਈ.ਜੀ. ਐਮ.ਐਫ. ਫਾਰੂਖੀ ਵੀ ਵਿਸ਼ੇਸ਼ ਤੌਰ 'ਤੇ ਈਦਗਾਹ ਵਿੱਚ ਪਹੁੰਚੇ ਅਤੇ ਨਮਾਜ਼ ਅਦਾ ਕੀਤੀ। ਆਈ.ਜੀ. ਫਾਰੂਖੀ ਨੇ ਦੇਸ਼ ਭਰ ਦੇ ਵਾਸੀਆਂ ਨੂੰ ਈਦ ਦੀ ਵਧਾਈ ਦਿੱਤੀ ਅਤੇ ਕਿਹਾ ਕਿ ਸਭ ਨੂੰ ਇੱਕ ਦੂਜੇ ਦੀ ਮਦਦ ਕਰਨੀ ਚਾਹੀਦੀ ਹੈ।