ਪਟਿਆਲਾ 'ਚ ਖੁੱਲ੍ਹਾ ਬੋਰਵੈੱਲ ਦੇ ਰਿਹੈ ਹਾਦਸੇ ਨੂੰ ਸੱਦਾ

ਪਟਿਆਲਾ: ਸ਼ਹਿਰ ਵਿੱਚ ਖੁੱਲ੍ਹਾ ਬੋਰਵੈੱਲ ਹਾਦਸੇ ਨੂੰ ਸੱਦਾ ਦੇ ਰਿਹਾ ਹੈ। ਦੱਸ ਦੇਈਏ ਕਿ ਕੁਝ ਸਮਾਂ ਸੰਗਰੂਰ ਜ਼ਿਲ੍ਹੇ ਦੇ ਇੱਕ ਪਿੰਡ ਵਿੱਚ ਫਤਿਹਵੀਰ ਨਾਂਅ ਦੇ ਬੱਚੇ ਦੀ ਖੁੱਲ੍ਹੇ ਬੋਰਵੈੱਲ 'ਚ ਡਿੱਗਣ ਨਾਲ ਮੌਤ ਹੋ ਗਈ ਸੀ, ਜਿਸ ਤੋਂ ਬਾਅਦ ਸਰਕਾਰ ਨੇ ਖੁੱਲ੍ਹੇ ਬੋਰਵੈੱਲ ਬੰਦ ਕਰਨ ਨਿਰਦੇਸ਼ ਜਾਰੀ ਕਰ ਦਿੱਤੇ ਸਨ ਪਰ ਲੱਗਦਾ ਹੈ ਕਿ ਇਹ ਨਿਰਦੇਸ਼ ਸਿਰਫ਼ ਕਾਗਜਾਂ ਤੱਕ ਹੀ ਸੀਮਤ ਰਹਿ ਗਏ ਹਨ। ਪੰਜਾਬ ਵਿੱਚ ਹਾਲੇ ਵੀ ਬਹੁਗਿਣਤੀ ਵਿੱਚ ਖੁੱਲ੍ਹੇ ਬੋਰਵੈੱਲ ਦੇਖਣ ਨੂੰ ਮਿਲ ਰਹੇ ਹਨ। ਇਸੇ ਤਰ੍ਹਾਂ ਮੁੱਖ ਮੰਤਰੀ ਦੇ ਸ਼ਹਿਰ ਪਟਿਆਲਾ ਵਿੱਚ ਖੁੱਲ੍ਹਾ ਬੋਰਵੈੱਲ ਹਾਦਸੇ ਨੂੰ ਸੱਦਾ ਦੇ ਰਿਹਾ ਹੈ ਕਿਉਂਕਿ ਨਾ ਤਾਂ ਇਸ ਬੋਰਵੈੱਲ ਦੇ ਆਲੇ ਦਾਲੇ ਕੋਈ ਰੋਕ ਬਣੀ ਹੋਈ ਹੈ ਤੇ ਨਾ ਹੀ ਇਸ ਨੂੰ ਢਕਿਆ ਹੋਇਆ ਹੈ। ਇਸ ਬੋਰਵੈੱਲ ਦੇ ਨਜ਼ਦੀਕ ਦਿਨ ਰਾਤ ਟ੍ਰੈਫਿਕ ਚਲਦੀ ਰਹਿੰਦੀ ਹੈ ਫਿਰ ਵੀ ਪਟਿਆਲਾ ਦਾ ਪ੍ਰਸ਼ਾਸਨ ਇਸ ਵੱਲ ਕੋਈ ਧਿਆਨ ਨਹੀ ਦੇ ਰਿਹਾ। ਲੱਗਦਾ ਹੈ ਪ੍ਰਸ਼ਾਸਨ ਦਾ ਅੱਖ ਉਸ ਸਮੇਂ ਖੁੱਲ੍ਹੇਗੀ ਜਦੋ ਇਸ ਜਗ੍ਹਾ ਕੋਈ ਵੱਡਾ ਹਾਦਸਾ ਵਾਪਰ ਗਿਆ।