ਹਰਿਆਣਾ ਦੀ ਲੜਕੀ ਨੇ ਟਰਾਂਸਪੋਰਟ ਮੰਤਰੀ ਵੜਿੰਗ ਨਾਲ ਮੁਲਾਕਾਤ ਕਰ ਕੀਤੀ ਇਹ ਮੰਗ

ਚੰਡੀਗੜ੍ਹ: ਪੰਜਾਬ ਦੇ ਟਰਾਂਸਪੋਰਟ ਮੰਤਰੀ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੇ ਨਾਲ ਹਰਿਆਣਾ ਦੀ ਇੱਕ ਲੜਕੀ ਨੇ ਮੁਲਾਕਾਤ ਕੀਤੀ। ਇਸ ਦੌਰਾਨ ਲੜਕੀ ਨੇ ਰਾਜਾ ਵੜਿੰਗ ਨੂੰ ਬੱਸ ਚਲਾਉਣ ਦੀ ਮੰਗ ਕੀਤੀ। ਨਾਲ ਹੀ ਦੱਸਿਆ ਕਿ ਉਸ ਦੇ ਕੋਲ ਹੈਵੀ ਲਾਈਸੈਂਸ ਵੀ ਹੈ। ਜਿਸ ਤੋਂ ਬਾਅਦ ਰਾਜਾ ਵੜਿੰਗ ਨੇ ਲੜਕੀ ਨੂੰ ਉਸਦੀ ਮਦਦ ਕਰਨ ਦਾ ਭਰੋਸਾ ਦਿੱਤਾ। ਰਾਜਾ ਵੜਿੰਗ ਨੇ ਟਰਾਂਸਪੋਰਟ ਵਿਭਾਗ ਦੀ ਐਮਡੀ ਨੂੰ ਫੋਨ ਕਰ ਲੜਕੀ ਦੀ ਮਦਦ ਕਰਨ ਦੇ ਆਦੇਸ਼ ਦਿੱਤੇ। ਨਾਲ ਹੀ ਕਿਹਾ ਕਿ ਇੱਕ ਮਹੀਨੇ ਚ ਦੇਖੋ ਕਿ ਇਹ ਲੜਕੀ ਕਿਸ ਤਰ੍ਹਾਂ ਨਾਲ ਬੱਸ ਚਲਾਉਂਦੀ ਹੈ ਅਤੇ ਜੇਕਰ ਇਹ ਕਰ ਪਾਉਂਦੀ ਹੈ ਤਾਂ ਪੀਆਰਟੀਸੀ ਦੀ ਬੱਸ ਚਲਾਉਣ ਦਿੱਤੀ ਜਾਵੇ।