ਬਠਿੰਡਾ: ਮਾਪੇ ਆਪਣੇ ਬੱਚਿਆਂ ਨੂੰ ਕਦੇ ਵੀ ਤੱਤੀ ਵਾਹ ਨਹੀਂ ਲੱਗਣ ਦਿੰਦੇ, ਹਰ ਸਮੇਂ ਬੱਚਿਆਂ ਦੀ ਸਲਾਮਤੀ ਲਈ ਦੁਆਵਾਂ ਕਰਦੇ ਹਨ, ਪਰ ਇਸ ਕਲਯੁੱਗ ਦੇ ਦੌਰ 'ਚ ਉਹ ਸਭ ਕੁੱਝ ਹੋ ਰਿਹਾ ਜਿਸ ਦੀ ਸ਼ਾਇਦ ਕਦੇ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ। ਆਖਰ ਰੱਬ ਦੇ ਘਰ ਦੇਰ ਹੈ ਅੰਧੇਰ ਨਹੀਂ। ਇਸੇ ਲਈ ਤਾਂ ਕਲਯੁੱਗ ਦੇ ਪਾਪੀਆਂ ਨੂੰ ਅਦਲਾਤ ਵੱਲੋਂ ਸਜ਼ਾ ਸੁਣਾਈ ਗਈ ਹੈ। ਦਰਅਸਲ ਪਿੰਡ ਕੋਟਭਾਰਾ ਦੇ ਵਿੱਚ 8 ਮਾਰਚ 2017 ਨੂੰ ਇੱਕ ਦਿਲ ਨੂੰ ਦਹਿਲਾਉਣ ਵਾਲੀ ਘਟਨਾ ਵਾਪਰੀ ਸੀ ਜਿਸ ਵਿੱਚ 2 ਭੈਣ ਭਰਾਵਾਂ ਦੀ ਤਾਂਤਰਿਕ ਦੇ ਆਖੇ ਜਾਣ ਉੱਤੇ ਪਰਿਵਾਰਕ ਮੈਂਬਰਾਂ ਨੇ ਹੀ ਬਲੀ ਦੇ ਦਿੱਤੀ ਸੀ। ਹੈਰਾਨੀ ਦੀ ਗੱਲ ਤਾਂ ਇਹ ਹੈ ਕਿ ਬੱਚਿਆਂ ਦੇ ਮਾਤਾ-ਪਿਤਾ ਵੀ ਇਸ ਕਾਂਡ ਵਿੱਚ ਸ਼ਾਮਿਲ ਸਨ। ਇੱਕੋ ਪਰਿਵਾਰ ਦੇ 7 ਮੈਂਬਰਾਂ ਵੱਲੋਂ ਬਹੁਤ ਹੀ ਬੇਰਹਿਮੀ ਨਾਲ ਇਸ ਘਟਨਾ ਨੂੰ ਅੰਜ਼ਾਮ ਦਿੱਤਾ ਗਿਆ ਸੀ।
ਕਿਵੇਂ ਦਿੱਤੀ ਸੀ ਬਲੀ: ਮਾਸੂਮ ਬੱਚਿਆਂ ਦੀ ਬਲੀ ਦੇਣ ਵਾਲੇ ਇੰਨੇ ਪੱਥਰ ਦਿਲ ਸਨ ਕਿ ਬਲੀ ਦੇਣ ਤੋਂ ਪਹਿਲਾਂ ਬੱਚਿਆਂ ਨੂੰ ਕੱਚ ਖੁਆਇਆ ਗਿਆ ਤਾਂ ਜੋ ਜਦੋਂ ਉਹ ਰੋਣ ਤਾਂ ਆਵਾਜ਼ ਨਾ ਨਿਕਲ ਸਕੇ, ਫਿਰ ਦੋਵੇਂ ਬੱਚਿਆਂ ਦੀ ਗਲਾ ਘੋਟਕੇ ਹਮੇਸ਼ਾ ਹੀ ਲਈ ਆਪਣੇ ਹੀ ਜਿਗਰ ਦੇ ਟੋਟਿਆਂ ਨੂੰ ਆਪਣੇ ਤੋਂ ਦੂਰ ਕਰ ਦਿੱਤਾ। ਇਸ ਘਟਨਾ ਤੋਂ ਬਾਅਦ ਹਰ ਕੋਈ ਇਹ ਸਵਾਲ ਕਰ ਰਿਹਾ ਸੀ ਕਿ ਕੀ ਮਾਪੇ ਇੰਨੇ ਖੁਦਗਰਜ਼ ਅਤੇ ਪੱਥਰ ਦਿਲ ਹੋ ਸਕਦੇ ਹਨ ਜੋ ਆਪਣੇ ਹੀ ਬੱਚਿਆਂ ਦੀ ਕਿਸੇ ਤਾਂਤਰਿਕ ਦੇ ਆਖੇ ਜਾਣ 'ਤੇ ਬਲੀ ਦੇਣ ਲਈ ਤਿਆਰ ਹੋ ਜਾਣ। ਅਕਸਰ ਕਿਹਾ ਜਾਂਦਾ ਹੈ ਕਿ ਮਾਪੇ ਕੁਮਾਪੇ ਨਹੀਂ ਹੁੰਦੇ ਪਰ ਇਸ ਘਟਨਾ ਨੇ ਤਾਂ ਇਸ ਕਹਾਵਤ ਨੂੰ ਹੀ ਬਦਲ ਕੇ ਰੱਖ ਦਿੱਤਾ।
7 ਸਾਲ ਚੱਲੀ ਇਨਸਾਫ਼ ਲਈ ਲੜਾਈ: ਭਾਵੇਂ ਕਿ ਮਾਪਿਆਂ ਨੇ ਤਾਂ ਆਪਣੇ ਬੱਚਿਆਂ ਦੀ ਆਪਣੀ ਹੱਥੀਂ ਹੀ ਬਲੀ ਦੇ ਦਿੱਤੀ ਹੋਵੇ ਪਰ ਪਿੰਡ ਵਾਸੀਆਂ ਨੇ ਮਾਸੂਮ ਬੱਚਿਆਂ ਨੂੰ ਇਨਸਾਫ਼ ਦਿਵਾਉਣ ਲਈ 7 ਸਾਲ ਤੱਕ ਲੰਬੀ ਲੜਾਈ ਲੜੀ।ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਇੰਨਾ ਸੱਤ ਸਾਲਾਂ ਦੌਰਾਨ ਦੋਸ਼ੀਆਂ ਨੇ ਆਪਣੀ ਗਲਤੀ ਇੱਕ ਵਾਰ ਵੀ ਨਹੀਂ ਮੰਨੀ ਬਲਕਿ ਬੱਚਿਆਂ ਦੇ ਕਾਤਲ ਮਾਪੇ ਤਾਂਤਰਿਕ ਨੂੰ ਹੀ ਬਚਾਉਣ ਵਿੱਚ ਲੱਗੇ ਰਹੇ । ਇਸੇ ਕਾਰਨ ਪਿੰਡ ਵਾਸੀਆਂ ਨੇ ਮਿਲ ਕੇ ਇਹ ਲੜਾਈ ਲੜੀ ਹੈ। ਉਨ੍ਹਾਂ ਆਖਿਆ ਕਿ ਸਾਨੂੰ ਉਮੀਦ ਸੀ ਕਿ ਇਨਸਾਫ਼ ਜ਼ਰੂਰ ਮਿਲੇਗਾ । ਅੱਜ ਸਾਡੀ ਜਿੱਤ ਹੋਈ ਹੈ ਕਿਉਕਿ ਅਦਾਲਤ ਨੇ 7 ਦੋਸ਼ੀਆਂ ਨੂੰ ੳੇੁਮਰ ਕੈਦ ਅਤੇ 10 ਹਜ਼ਾਰ ਦਾ ਜ਼ੁਰਮਾਨਾ ਲਗਾਇਆ ਹੈ। ਪਿੰਡ ਵਾਸੀਆਂ ਦਾ ਕਹਿਣ ਹੈ ਕਿ ਅੱਜ ਮਾਸੂਮ ਬੱਚਿਆਂ ਦੀ ਆਤਮ ਨੂੰ ਜ਼ਰੂਰ ਸ਼ਾਂਤੀ ਮਿਲੀ ਹੋਵੇਗੀ।
ਵਕੀਲ ਦਾ ਪੱਖ: ਇਸ ਮਾਮਲੇ 'ਚ ਵਕੀਲ਼ ਦਾ ਕਹਿਣਾ ਹੈ ਕਿ ਮੈਂ ਆਪਣੇ 42 ਸਾਲਾਂ ਦੇ ਤਜ਼ਰਬੇ ਵਿੱਚ ਅਜਿਹਾ ਕੇਸ ਨਹੀਂ ਦੇਖਿਆ ਸੀ। ਉਨ੍ਹਾਂ ਕਿਹਾ ਅਸੀਂ ਅਦਾਲਤ ਦੇ ਫੈਸਲੇ ਦਾ ਸਵਾਗਤ ਕਰਦੇ ਹਾਂ ਪਰ 3 ਦੋਸ਼ੀਆਂ ਅਜਿਹੇ ਹਨ ਜਿੰਨਾ ਲਈ ਅਸੀਂ ਫਾਂਸੀ ਦੀ ਮੰਗ ਕਰਦੇ ਹਾਂ। ਇਸ ਫੈਸਲੇ ਲਈ ਅਸੀਂ ਹਾਈਕੋਰਟ ਦਾ ਦਰਵਾਜ਼ਾ ਖੜਕਾਵਾਂਗੇ ਤਾਂ ਜੋ 3 ਮੁੱਖ ਦੋਸ਼ੀਆਂ ਨੂੰ ਫਾਂਸੀ ਦੀ ਸਜ਼ਾ ਮਿਲ ਸਕੇ।
ਇਹ ਵੀ ਪੜ੍ਹੋ: Search Opration Amritpal Live Update: ਅੰਮ੍ਰਿਤਪਾਲ ਦੀ ਭਾਲ ਜਾਰੀ, ਨੇਪਾਲ ਵਿੱਚ 2 ਟੀਮਾਂ ਤੈਨਾਤ
