ਟੋਕਿਓ : ਭਾਰਤੀ ਟੇਬਲ ਟੈਨਿਸ ਖਿਡਾਰੀ ਮਨਿਕਾ ਬੱਤਰਾ ਨੂੰ ਔਰਤਾਂ ਦੇ ਸਿੰਗਲਜ਼ ਰਾਊਂਡ 3 ਮੈਚ ਵਿੱਚ ਆਸਟਰੀਆ ਦੀ ਸੋਫੀਆ ਪੋਲਕਾਨੋਵਾ ਹੱਥੋਂ 4-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਮਨਿਕਾ ਨੇ ਪਹਿਲੇ ਸੈੱਟ ਵਿਚ ਸੋਫੀਆ ਪੋਲਕਾਨੋਵਾ ਨੂੰ ਸਖਤ ਟੱਕਰ ਦਿੱਤੀ, ਇਸ ਦੇ ਬਾਵਜੂਦ ਸੋਫੀਆ ਨੇ 11-8 ਦੀ ਕੜੇ ਸੰਘਰਸ਼ ਨਾਲ ਪਹਿਲਾ ਸੈੱਟ ਜਿੱਤਿਆ।
ਅਗਲੇ ਸੈੱਟ ਵਿੱਚ, ਮਨਿਕਾ ਕੋਲ ਸੋਫੀਆ ਦੇ ਸ਼ਾਟ ਲਈ ਕੋਈ ਜਵਾਬ ਨਹੀਂ ਸੀ। ਉਹ ਨਿਰੰਤਰ ਟੇਬਲ ਟੈਨਿਸ ਦੇ ਹੁਨਰ ਨੂੰ ਪ੍ਰਦਰਸ਼ਿਤ ਕਰ ਰਹੀ ਸੀ ਅਤੇ ਮਨੀਕਾ ਸੋਫੀਆ ਦੀ ਗਲਤੀ ਕਰਨ ਦੀ ਉਡੀਕ ਕਰ ਰਹੀ ਸੀ। ਇਸ ਸੰਘਰਸ਼ ਦੇ ਵਿਚਕਾਰ, ਸੋਫੀਆ ਨੇ ਫਿਰ ਜਿੱਤ ਪ੍ਰਾਪਤ ਕੀਤੀ ਅਤੇ ਦੂਜਾ ਸੈੱਟ 11-2 ਨਾਲ ਜਿੱਤਿਆ।
ਤੀਜੇ ਸੈੱਟ ਵਿੱਚ ਮਨੀਕਾ ਨੇ ਵਾਪਸੀ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਸੋਫੀਆ ਨੇ ਉਸ ਨੂੰ ਜ਼ਿਆਦਾ ਮੌਕਾ ਨਹੀਂ ਦਿੱਤਾ ਅਤੇ ਮਨਿਕਾ 5-11 ਨਾਲ ਹਾਰ ਗਈ।
ਇਹ ਵੀ ਪੜ੍ਹੋ:Tokyo Olympics, Day 4: ਸ਼ਰਤ ਕਮਲ ਨੇ ਰਾਉਂਡ 2 ਵਿੱਚ ਟਿਆਗੋ ਅਪੋਲੋਨੀਆ ਨੂੰ ਹਰਾਇਆ
ਹੁਣ ਤੱਕ ਸੋਫੀਆ ਨੇ ਪੂਰੀ ਤਰ੍ਹਾਂ ਖੇਡ ਨੂੰ ਆਪਣੇ ਕਬਜ਼ੇ ਵਿਚ ਕਰ ਲਿਆ ਸੀ। ਇਸ ਤੋਂ ਬਾਅਦ ਚੌਥੀ ਗੇਮ ਵਿੱਚ ਵੀ ਉਸਨੇ ਆਪਣੀ ਰਣਨੀਤੀ ਅਨੁਸਾਰ ਖੇਡਿਆ ਅਤੇ ਚੌਥੀ ਗੇਮ 11-7 ਨਾਲ ਜਿੱਤੀ। ਮਨਿਕਾ ਨੇ ਚੌਥੇ ਸੈੱਟ ਵਿੱਚ ਵਾਪਸੀ ਦੀ ਉਮੀਦ ਦਿਖਾਈ ਸੀ ਪਰ ਉਹ ਆਪਣਾ ਪ੍ਰਦਰਸ਼ਨ ਜਾਰੀ ਨਹੀਂ ਰੱਖ ਸਕੀ।
