ਹੈਦਰਾਬਾਦ : ਇੰਡੀਅਨ ਪ੍ਰੀਮੀਅਰ ਲੀਗ 2022 ਦੇ ਚੱਲ ਰਹੇ 15ਵੇਂ ਸੀਜ਼ਨ ਵਿੱਚ ਮੁੰਬਈ ਇੰਡੀਅਨਜ਼ ਹੁਣ ਤੱਕ ਲਗਾਤਾਰ ਪੰਜ ਮੈਚ ਹਾਰ ਚੁੱਕੀ ਹੈ। 23ਵੇਂ ਮੈਚ ਵਿੱਚ ਪੰਜਾਬ ਕਿੰਗਜ਼ ਨੇ ਮੁੰਬਈ ਇੰਡੀਅਨਜ਼ ਨੂੰ 12 ਦੌੜਾਂ ਨਾਲ ਹਰਾਇਆ। 199 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਮੁੰਬਈ ਦੀ ਟੀਮ ਨੌਂ ਵਿਕਟਾਂ 'ਤੇ 186 ਦੌੜਾਂ 'ਤੇ ਸਿਮਟ ਗਈ ਅਤੇ 12 ਦੌੜਾਂ ਨਾਲ ਮੈਚ ਹਾਰ ਗਈ। ਪੀਬੀਕੇਐਸ ਲਈ ਸ਼ਿਖਰ ਧਵਨ (70) ਅਤੇ ਮਯੰਕ ਅਗਰਵਾਲ (52) ਨੇ ਅਰਧ-ਸੈਂਕੜੇ ਲਗਾਏ, ਜਦੋਂ ਕਿ ਓਡੀਓਨ ਸਮਿਥ ਨੇ 30 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ।
ਰਾਜਸਥਾਨ ਰਾਇਲਜ਼ (RR) ਇਸ ਸਮੇਂ ਚਾਰ ਮੈਚਾਂ ਵਿੱਚ ਛੇ ਅੰਕਾਂ ਨਾਲ IPL 2022 ਅੰਕ ਸੂਚੀ ਵਿੱਚ ਸਿਖਰ 'ਤੇ ਹੈ। ਉਨ੍ਹਾਂ ਤੋਂ ਬਾਅਦ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਦੂਜੇ ਸਥਾਨ 'ਤੇ ਹੈ। ਪੀਬੀਕੇਐਸ ਉਸੇ ਸਕੋਰ ਨਾਲ ਤੀਜੇ ਸਥਾਨ (ਛੇ ਅੰਕ) 'ਤੇ ਹੈ। ਇਸ ਤੋਂ ਬਾਅਦ ਲਖਨਊ ਸੁਪਰ ਜਾਇੰਟਸ ਦੇ ਵੀ ਛੇ ਅੰਕ ਹਨ ਅਤੇ ਉਹ ਚੌਥੇ ਨੰਬਰ 'ਤੇ ਹੈ। ਗੁਜਰਾਤ ਟਾਇਟਨਸ (ਛੇ ਅੰਕ) ਇੰਨੇ ਹੀ ਅੰਕਾਂ ਨਾਲ ਪੰਜਵੇਂ ਨੰਬਰ 'ਤੇ ਹੈ।
ਦੱਸ ਦੇਈਏ ਕਿ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਛੇਵੇਂ ਸਥਾਨ 'ਤੇ ਕਾਬਜ਼ ਹੈ ਅਤੇ ਉਸ ਦੇ ਹੁਣ ਤੱਕ ਛੇ ਅੰਕ ਹਨ। ਦਿੱਲੀ ਕੈਪੀਟਲਸ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਚਾਰ-ਚਾਰ ਅੰਕਾਂ ਨਾਲ ਸੱਤਵੇਂ ਅਤੇ ਅੱਠਵੇਂ ਸਥਾਨ 'ਤੇ ਹਨ। ਚੇੱਨਈ ਸੁਪਰ ਕਿੰਗਜ਼ ਦੋ ਅੰਕਾਂ ਨਾਲ ਨੌਵੇਂ ਸਥਾਨ 'ਤੇ ਹੈ, ਜਦਕਿ ਮੁੰਬਈ ਅੰਕ ਸੂਚੀ 'ਚ ਸਭ ਤੋਂ ਹੇਠਲੇ ਸਥਾਨ 'ਤੇ ਹੈ। ਮੁੰਬਈ ਇੰਡੀਅਨਜ਼ ਨੇ ਆਪਣੇ ਸਾਰੇ ਪੰਜ ਮੈਚ ਹਾਰੇ ਹਨ, ਜਦਕਿ ਚੇੱਨਈ ਨੇ ਪੰਜ ਵਿੱਚੋਂ ਇੱਕ ਮੈਚ ਜਿੱਤਿਆ ਹੈ।
ਛੇ ਅੰਕ ਹਾਸਲ ਕਰਨ ਵਾਲੀ ਗੁਜਰਾਤ ਟਾਈਟਨਜ਼ ਦੀ ਨੈੱਟ ਰਨ ਰੇਟ 0.097 ਹੈ। ਇਸ ਦੇ ਨਾਲ ਹੀ RCB ਦੀ ਨੈੱਟ ਰਨ ਰੇਟ 0.006 ਹੈ। ਦਿੱਲੀ ਕੈਪੀਟਲਸ ਦੀ ਨੈੱਟ ਰਨ ਰੇਟ 0.476 ਹੈ। ਪਰ ਇਸ ਦੇ ਸਿਰਫ਼ ਚਾਰ ਅੰਕ ਹਨ। ਸਨਰਾਈਜ਼ਰਜ਼ ਹੈਦਰਾਬਾਦ ਦੀ ਨੈੱਟ ਰਨ ਰੇਟ -0.501 ਹੈ। ਇਸ ਤੋਂ ਬਾਅਦ ਚੇਨਈ ਸੁਪਰ ਕਿੰਗਜ਼ ਦੀ ਨੈੱਟ ਰਨ ਰੇਟ -0745 ਹੈ। ਅੰਕ ਸੂਚੀ 'ਚ ਸਭ ਤੋਂ ਹੇਠਲੇ ਸਥਾਨ 'ਤੇ ਮੌਜੂਦ ਮੁੰਬਈ ਇੰਡੀਅਨਜ਼ ਦੀ ਨੈੱਟ ਰਨ ਰੇਟ -1.072 ਹੈ।
ਇਹ ਵੀ ਪੜ੍ਹੋ: IPL 2022: ਪੰਜਾਬ ਕਿੰਗਜ਼ ਨੂੰ ਹਾਰਨ ਤੋਂ ਬਾਅਦ ਰੋਹਿਤ ਸ਼ਰਮਾ ਦਾ ਪ੍ਰਤੀਕਰਮ
