ਨਵੀਂ ਦਿੱਲੀ— ਰੋਹਿਤ ਸ਼ਰਮਾ ਨੇ ਆਪਣੀ ਸਾਲੇ ਦੇ ਵਿਆਹ ਕਾਰਨ ਕ੍ਰਿਕਟ ਤੋਂ ਬ੍ਰੇਕ ਲੈ ਲਿਆ ਹੈ। ਰੋਹਿਤ ਆਪਣੀ ਪਤਨੀ ਰਿਤਿਕਾ ਸਜਦੇਹ ਨਾਲ ਸਾਲੇ ਦੇ ਵਿਆਹ ਦਾ ਆਨੰਦ ਲੈ ਰਹੇ ਹਨ। ਰਿਤਿਕਾ ਨਾਲ ਨੱਚਦੇ ਦੀ ਉਨ੍ਹਾਂ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਵੀਡੀਓ 'ਚ ਰੋਹਿਤ ਪੰਜਾਬੀ ਗੀਤਾਂ 'ਤੇ ਨੱਚ ਰਹੇ ਹਨ। ਉਨ੍ਹਾਂ ਦੇ ਨਾਲ ਪਤਨੀ ਰਿਤਿਕਾ ਵੀ ਹੈ ਜੋ ਰੋਹਿਤ ਨਾਲ ਨੱਚ ਰਹੀ ਹੈ। ਦੋਵੇਂ ਵਿਆਹ ਦੀਆਂ ਰਸਮਾਂ ਦਾ ਆਨੰਦ ਲੈ ਰਹੇ ਹਨ।
ਰੋਹਿਤ ਸ਼ਰਮਾ ਨੇ ਅੱਜ ਮੈਚ ਨਾ ਖੇਡਣ ਦਾ ਫੈਸਲਾ ਸਿਰਫ ਆਪਣੇ ਸਾਲੇ ਦੇ ਵਿਆਹ ਲਈ ਕੀਤਾ ਹੈ। ਉਨ੍ਹਾਂ ਦੀ ਥਾਂ ਹਾਰਦਿਕ ਪੰਡਯਾ ਭਾਰਤੀ ਟੀਮ ਦੇ ਕਪਤਾਨ ਹੋਣਗੇ। ਰੋਹਿਤ 19 ਅਤੇ 22 ਮਾਰਚ ਨੂੰ ਹੋਣ ਵਾਲੇ ਵਨਡੇ ਵਿੱਚ ਟੀਮ ਦਾ ਹਿੱਸਾ ਹੋਣਗੇ। ਉਹ 2 ਮੈਚਾਂ ਵਿੱਚ ਟੀਮ ਦੀ ਕਪਤਾਨੀ ਕਰੇਗਾ।ਦੂਜਾ ਵਨਡੇ ਵਿਸ਼ਾਖਾਪਟਨਮ ਵਿੱਚ ਅਤੇ ਤੀਜਾ ਮੈਚ ਚੇਨਈ ਵਿੱਚ ਖੇਡਿਆ ਜਾਵੇਗਾ। ਸ਼ੁਭਮਨ ਗਿੱਲ ਅਤੇ ਈਸ਼ਾਨ ਕਿਸ਼ਨ ਅੱਜ ਦੇ ਮੈਚ ਵਿੱਚ ਓਪਨਿੰਗ ਕਰਨਗੇ। ਸ਼੍ਰੇਅਸ ਅਈਅਰ ਪਿੱਠ ਦੀ ਸੱਟ ਕਾਰਨ ਵਨਡੇ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ।
ਅਈਅਰ ਨੂੰ ਅਹਿਮਦਾਬਾਦ ਵਿੱਚ ਆਸਟਰੇਲੀਆ ਖ਼ਿਲਾਫ਼ ਚੌਥੇ ਅਤੇ ਆਖਰੀ ਟੈਸਟ ਦੌਰਾਨ ਪਿੱਠ ਵਿੱਚ ਦਰਦ ਕਾਰਨ ਨੈਸ਼ਨਲ ਕ੍ਰਿਕਟ ਅਕੈਡਮੀ ਵਿੱਚ ਭੇਜਿਆ ਗਿਆ ਸੀ। ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਵੀ ਆਸਟ੍ਰੇਲੀਆ ਖਿਲਾਫ ਟੀਮ 'ਚ ਨਹੀਂ ਹੈ। ਪਰ ਟੀਮ ਕਿਸੇ ਵੀ ਤਰ੍ਹਾਂ ਸਟੀਵ ਸਮਿਥ ਦੀ ਟੀਮ ਨਾਲੋਂ ਕਮਜ਼ੋਰ ਨਹੀਂ ਹੈ। ਹਾਰਦਿਕ ਪੰਡਯਾ ਪਹਿਲਾ ਮੈਚ ਜਿੱਤਣ ਲਈ ਪੂਰਾ ਜ਼ੋਰ ਲਾਉਣਗੇ।
ਭਾਰਤੀ ਟੀਮ ਨੇ ਮੈਚ ਜਿੱਤਣ ਲਈ ਨੈੱਟ 'ਤੇ ਕਾਫੀ ਪਸੀਨਾ ਵਹਾਇਆ ਹੈ। ਹਾਰਦਿਕ ਪੰਡਯਾ ਲਈ ਸਟੀਵ ਸਮਿਥ ਦੀ ਟੀਮ ਨੂੰ ਹਰਾਉਣਾ ਆਸਾਨ ਨਹੀਂ ਹੋਵੇਗਾ। ਪਰ ਪੰਡਯਾ ਇਸ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਤਿਆਰ ਹੈ। ਆਸਟਰੇਲਿਆਈ ਟੀਮ ਐਡਮ ਜ਼ਾਂਪਾ ਦੀ ਵਾਪਸੀ ਤੋਂ ਉਤਸ਼ਾਹਿਤ ਹੈ, ਪਰ ਪੈਟ ਕਮਿੰਸ ਦੀ ਕਮੀ ਸਟੀਵ ਸਮਿਥ ਨੂੰ ਵੀ ਨੁਕਸਾਨ ਪਹੁੰਚਾਏਗੀ।
ਇਹ ਵੀ ਪੜੋ:- Virat Reveal: RCB ਦੀ ਕਪਤਾਨੀ ਛੱਡਣ ਵੇਲੇ ਪੂਰੀ ਤਰ੍ਹਾਂ ਟੁੱਟ ਗਿਆ ਸੀ, ਜਜ਼ਬਾ ਵੀ ਹੋ ਗਿਆ ਸੀ ਖ਼ਤਮ
