ਲੀਬੀਆ: ਅਫਰੀਕਾ ਦਾ ਦੇਸ਼ ਲੀਬੀਆ 'ਚ ਵੱਡੀ ਕੁਦਰਤੀ ਕੁਰੋਪੀ ਨਾਲ ਜੂਝ ਰਿਹਾ ਹੈ। ਇੱਥੇ ਡੈਨੀਅਲ ਨਾਂ ਦੇ ਤੂਫਾਨ ਅਤੇ ਹੜ੍ਹ ਕਾਰਨ ਚਾਰੇ ਪਾਸੇ ਤਬਾਹੀ ਮਚੀ ਹੋਈ ਹੈ। ਜਾਣਕਾਰੀ ਮੁਤਾਬਿਕ ਇਸ ਕਾਰਨ 7 ਹਜ਼ਾਰ ਤੋਂ ਵਧੇਰੇ ਮੌਤਾਂ ਹੋਣ ਦਾ ਖਦਸ਼ਾ ਜਾਹਿਰ ਕੀਤਾ ਜਾ ਰਿਹਾ ਹੈ। ਇਹ ਵੀ ਦੱਸਿਆ ਜਾ ਰਿਹਾ ਹੈ ਕਿ ਤੂਫਾਨ ਤੋਂ ਬਾਅਦ 10 ਹਜ਼ਾਰ ਦੀ ਆਬਾਦੀ ਵਾਲੇ ਡੇਰਨਾ ਸ਼ਹਿਰ ਦੇ ਲਾਗਲੇ ਦੋ ਬੰਨ੍ਹ ਵੀ ਵਹਿ ਗਏ ਹਨ। ਇਸ ਨਾਲ ਸ਼ਹਿਰ ਅੰਦਰ ਜੋ ਤਬਾਹੀ ਮਚੀ ਹੈ, ਉਹ ਬਿਆਨ ਕਰਨੀ ਔਖੀ ਹੋ ਰਹੀ ਹੈ।
ਇਹ ਨੇ ਹਾਲਾਤ : ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਹੁਣ ਤੱਕ ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਹੈ, 20 ਹਜ਼ਾਰ ਤੋਂ ਵੱਧ ਲਾਪਤਾ ਅਤੇ ਸਿਰਫ 700 ਲਾਸ਼ਾਂ ਦੀ ਹੀ ਪਛਾਣਾ ਹੋਈ ਹੈ। ਦੂਜੇ ਪਾਸੇ ਲੋਕਾਂ ਨੂੰ ਬਚਾਉਣ ਲਈ 123 ਜਵਾਨਾਂ ਦੀ ਕੋੋਈ ਉੱਘ ਸੁੱਘ ਨਹੀਂ ਲੱਗੀ ਹੈ। ਤੂਫਾਨ ਅੱਗੇ ਫੌਜਾਂ ਵੀ ਗੋਡੇ ਟੇਕਣ ਲਈ ਮਜ਼ਬੂਰ ਹੋ ਗਈਆਂ ਹਨ। ਲੀਬੀਆ ਦੇ ਸਿਹਤ ਮੰਤਰੀ ਦੇ ਬਿਆਨ ਅਨੁਸਾਰ ਕਈ ਇਲਾਕਿਆਂ 'ਚ ਲਾਸ਼ਾਂ ਪਾਣੀ 'ਚ ਤੈਰਦੀਆਂ ਦੇਖੀਆਂ ਗਈਆਂ ਹਨ। ਇਸਦੇ ਨਾਲ ਹੀ ਕਈ ਘਰਾਂ ਵਿੱਚ ਸੜ ਗਈਆਂ ਹਨ। ਸਾਊਦੀ ਅਖਬਾਰ 'ਦਿ ਨੈਸ਼ਨਲ' ਦੀ ਰਿਪੋਰਟ ਮੁਤਾਬਿਕ ਹੁਣ ਤੱਕ 6886 ਤੋਂ ਵੱਧ ਲਾਸ਼ਾਂ ਬਰਾਮਦ ਹੋ ਗਈਆਂ ਹਨ।
ਇਸਦੇ ਨਾਲ ਹੀ ਇਕ ਹੋਰ ਮੀਡੀਆ ਰਿਪੋਰਟ ਅਨੁਸਾਰ ਦੇਸ਼ ਦੇ ਪੂਰਬੀ ਹਿੱਸੇ ਵਿੱਚ 80 ਫੀਸਦ ਤਬਾਹੀ ਹੋਈ ਹੈ। ਇੱਥੇ ਦਰਜਨਾਂ ਕਬੀਲੇ ਹਨ ਅਤੇ ਹਰ ਕਬੀਲਾ ਇਸ ਦੇ ਕੁਝ ਹਿੱਸੇ ਉੱਤੇ ਰਾਜ ਕਰਦਾ ਹੈ। ਇਸ ਤੋਂ ਜ਼ਾਹਿਰ ਹੈ ਕਿ ਲੀਬੀਆ ਵਿੱਚ 2011 ਤੋਂ ਬਾਅਦ ਕੋਈ ਢੁੱਕਵਾਂ ਪ੍ਰਸ਼ਾਸਨ, ਸਰਕਾਰ ਜਾਂ ਕੋਈ ਵੀ ਸ਼ਾਸਕ ਨਹੀਂ ਹੈ।
- Vehicle Sector: ਭਾਰਤ 'ਚ ਵਾਹਨ ਕੰਪਨੀਆਂ ਦਾ ਵੱਧ ਰਿਹਾ ਹੈ ਬਜ਼ਾਰ, 2030 ਤੱਕ 60 ਤੋਂ 70 ਲੱਖ ਵਾਹਨ ਯੂਨਿਟ ਵੇਚਣ ਦੀ ਉਮੀਦ
- Haryana Female Coach Molestation Case: ਜੂਨੀਅਰ ਕੋਚ ਜਿਨਸੀ ਸ਼ੋਸ਼ਣ ਮਾਮਲਾ, ਸੰਦੀਪ ਸਿੰਘ ਦੀ ਅਗਾਊਂ ਜ਼ਮਾਨਤ ਪਟੀਸ਼ਨ 'ਤੇ ਸੁਣਵਾਈ ਭਲਕੇ ਤੱਕ ਮੁਲਤਵੀ
- Kerala Nipah confirmed Cases: ਕੇਰਲ ਦੇ ਕੋਝੀਕੋਡ ਵਿੱਚ ਨਿਪਾਹ ਦੇ ਚਾਰ ਮਾਮਲਿਆਂ ਦੀ ਪੁਸ਼ਟੀ
ਕਿਹੋ ਜਿਹਾ ਹੈ ਲੀਬੀਆ : ਦਰਅਸਲ ਲੀਬੀਆ ਦੇਸ਼ ਅਫ਼ਰੀਕੀ ਮਹਾਂਦੀਪ ਦੇ ਉੱਤਰੀ ਹਿੱਸੇ ਵਿੱਚ 17.6 ਲੱਖ ਕਿਲੋਮੀਟਰ ਵਰਗ ਵਿੱਚ ਫੈਲਿਆ ਹੋਇਆ ਹੈ। ਲੀਬੀਆ ਦੀ ਰਾਜਧਾਨੀ ਤ੍ਰਿਪੋਲੀ ਹੈ ਅਤੇ ਇਸ ਨਾਲ ਲੀਬੀਆ ਭੂਮੱਧ ਸਾਗਰ, ਟਿਊਨੀਸ਼ੀਆ, ਅਲਜੀਰੀਆ, ਨਾਈਜਰ, ਚਾਡ, ਸੂਡਾਨ ਅਤੇ ਮਿਸਰ ਲੱਗਦੇ ਹਨ। ਲੀਬੀਆ ਦੀ ਕੁੱਲ ਆਬਾਦੀ 67.4 ਲੱਖ ਹੈ ਅਤੇ ਘੱਟ ਆਬਾਦੀ ਅਤੇ ਪੈਟਰੋਲੀਅਮ ਖੇਤਰ ਵਿੱਚ ਵੱਧ ਲਾਭ ਕਾਰਨ ਲੀਬੀਆ ਦੀ ਪ੍ਰਤੀ ਵਿਅਕਤੀ ਆਮਦਨ 5 ਲੱਖ ਤੋਂ ਵੀ ਉੱਪਰ ਹੈ।
