ਮੁੰਬਈ: ਕੋਰੋਨਾ ਵਾਇਰਸ ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਆਰਥਿਕ ਅਸਥਿਰਤਾ ਜਾਰੀ ਰਹਿਣ ਦੇ ਕਾਰਨ, ਬੁੱਧਵਾਰ ਨੂੰ ਅੰਤਰਰਾਸ਼ਟਰੀ ਬਜ਼ਾਰ 'ਚ ਸੋਨੇ ਅਤੇ ਚਾਂਦੀ 'ਚ ਮਜ਼ਬੂਤ ਸੰਕੇਤ ਦਿਖਣ ਤੋਂ ਬਾਅਦ ਦੋਵੇਂ ਕੀਮਤੀ ਧਾਤਾਂ ਦੀਆਂ ਕੀਮਤਾਂ ਭਾਰਤੀ ਮਾਰਕਿਟ 'ਚ ਵੀ ਵੱਧ ਗਈਆਂ। ਚਾਂਦੀ ਨੇ 60,000 ਰੁਪਏ ਪ੍ਰਤੀ ਕਿੱਲੋ ਦੇ ਪੱਧਰ ਨੂੰ ਪਾਰ ਕਰ ਲਿਆ ਹੈ, ਜਦਕਿ ਸੋਨਾ ਵੀ 50,000 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ ਨੂੰ ਪਾਰ ਕਰ ਗਿਆ ਹੈ।
ਮਲਟੀ ਕਮੋਡਿਟੀ ਐਕਸਚੇਂਜ (ਐਮਸੀਐਕਸ) ‘ਤੇ ਅਗਸਤ ਗੋਲਡ ਫਿਉਚਰ ਵਿੱਚ 493 ਰੁਪਏ ਦੀ ਦਰ ਵਿੱਚ 1 ਪ੍ਰਤੀਸ਼ਤ ਦਾ ਵਾਧਾ ਹੋਇਆ, ਜਿਸ ਤੋਂ ਬਾਅਦ ਸੋਨੇ ਦੀ ਕੀਮਤ ਸਵੇਰੇ 50,020 ਰੁਪਏ ‘ਤੇ ਪਹੁੰਚ ਗਈ। ਸਤੰਬਰ ਵਿਚ, ਸਿਲਵਰ ਫਿਉਚਰ ਰੇਟ ਵਿਚ 6 ਪ੍ਰਤੀਸ਼ਤ ਦਾ ਵਾਧਾ ਹੋਇਆ, ਜਿਸ ਤੋਂ ਬਾਅਦ ਇਸ ਦੀ ਦਰ 57,342 ਤੋਂ 60,782 ਰੁਪਏ ਹੋ ਗਈ।
ਕੋਵਿਡ-19 ਦੇ ਕਾਰਨ ਵਿਸ਼ਵ ਭਰ ਵਿੱਚ ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧਾ ਹੋਇਆ ਹੈ। ਆਮ ਤੌਰ 'ਤੇ ਅਨਿਸ਼ਚਿਤਤਾ ਦੇ ਮਾਹੌਲ ਵਿੱਚ, ਨਿਵੇਸ਼ਕ ਜੋਖਮ ਭਰਪੂਰ ਵਿਕਲਪਾਂ ਤੋਂ ਭੱਜ ਜਾਂਦੇ ਹਨ ਅਤੇ ਸੋਨੇ ਵੱਲ ਮੁੜਦੇ ਹਨ। ਦੇਸ਼ ਵਿਚ ਤਾਲਾਬੰਦੀ ਦੇ ਦੌਰਾਨ ਘਰੇਲੂ ਬਜ਼ਾਰ ਵਿਚ ਸੋਨੇ ਦੀ ਮੰਗ ਘੱਟ ਗਈ ਹੈ, ਹਾਲਾਂਕਿ ਸੋਨੇ ਦੀ ਕੀਮਤ ਵਿਚ ਭਾਰੀ ਵਾਧਾ ਹੋਇਆ ਹੈ। ਪਰ ਪੀਲੀ ਧਾਤ ਦੀਆਂ ਕੀਮਤਾਂ ਵਿਚ ਮਹਿੰਗਾਈ ਦੇ ਕਾਰਨ, ਪ੍ਰਚੂਨ ਬਾਜ਼ਾਰ ਵਿਚ ਸੋਨੇ ਦੀ ਮੰਗ ਹੌਲੀ ਹੋ ਰਹੀ ਹੈ।
