ਪੰਜਿਮ: ਗੋਆ ਵਿਧਾਨ ਸਭਾ ਚੋਣਾਂ 2022 'ਚ ਭਾਰਤੀ ਜਨਤਾ ਪਾਰਟੀ ਇਕ ਵਾਰ ਫਿਰ ਸੱਤਾ 'ਤੇ ਕਾਬਜ਼ ਹੋਣ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਨਿਰਾਸ਼ਾ ਦੇ ਆਲਮ 'ਚ ਹੈ। ਤ੍ਰਿਣਮੂਲ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਦੀ ਗੱਲ ਕਰੀਏ ਤਾਂ ਇਨ੍ਹਾਂ ਦੋਵਾਂ ਪਾਰਟੀਆਂ ਨੇ ਦੇਸ਼ ਦੀ ਸਭ ਤੋਂ ਪੁਰਾਣੀ ਪਾਰਟੀ ਕਾਂਗਰਸ ਨੂੰ ਜ਼ਬਰਦਸਤ ਟੱਕਰ ਦਿੱਤੀ ਹੈ।
ਇਸ ਦਾ ਵਿਸ਼ਲੇਸ਼ਣ ਕਰਨ ਲਈ, ਅਸੀਂ ਭਾਜਪਾ ਦੁਆਰਾ ਜਿੱਤੀ ਗਈ ਹਰ ਸੀਟ ਦਾ ਮੁਲਾਂਕਣ ਕੀਤਾ ਹੈ। ਦਿਖਾਇਆ ਗਿਆ ਹੈ ਕਿ ਤ੍ਰਿਣਮੂਲ ਕਾਂਗਰਸ ਅਤੇ 'ਆਪ' ਦੇ ਕਾਰਨ ਇਨ੍ਹਾਂ ਚੋਣਾਂ 'ਚ ਕਾਂਗਰਸ ਨੂੰ ਕਰੀਬ 5 ਸੀਟਾਂ ਦਾ ਨੁਕਸਾਨ ਹੋਇਆ ਹੈ। ਜੇਕਰ ਇਹ ਦੋਵੇਂ ਪਾਰਟੀਆਂ 2022 ਵਿੱਚ ਗੋਆ ਵਿਧਾਨ ਸਭਾ ਚੋਣਾਂ ਨਾ ਲੜਦੀਆਂ ਤਾਂ ਕਾਂਗਰਸ ਨੂੰ ਕਰੀਬ 15 ਸੀਟਾਂ ਮਿਲ ਜਾਣੀਆਂ ਸਨ।
ਇਸ ਦੇ ਨਾਲ ਹੀ, ਭਾਜਪਾ ਦੀਆਂ ਸੀਟਾਂ 5 ਤੋਂ 15 ਤੱਕ ਸੀਟਾਂ ਘੱਟ ਰਹਿ ਗਈਆਂ ਹਨ। ਇਸ ਵਿਸ਼ਲੇਸ਼ਣ ਵਿਚ ਕੁਝ ਹੈਰਾਨ ਕਰਨ ਵਾਲੇ ਤੱਥ ਵੀ ਸਾਹਮਣੇ ਆਏ ਹਨ।
ਆਓ ਜਾਣਦੇ ਹਾਂ ਭਾਜਪਾ ਦੀ ਹਰ ਸੀਟ ਦਾ ਵਿਸ਼ਲੇਸ਼ਣ
ਪੇਰਨੇਮ: ਗੋਆ ਵਿਧਾਨ ਸਭਾ ਚੋਣ 2022 ਵਿੱਚ ਭਾਜਪਾ ਦੇ ਪ੍ਰਵੀਨ ਅਰਲੇਕਰ ਇਸ ਹਲਕੇ ਤੋਂ ਜਿੱਤੇ ਹਨ। ਉਨ੍ਹਾਂ ਨੂੰ 13,063 ਵੋਟਾਂ ਮਿਲੀਆਂ। ਦੂਜੇ ਪਾਸੇ ਮਹਾਰਾਸ਼ਟਰਵਾਦੀ ਗੋਮਾਂਤਕ ਪਾਰਟੀ ਦੇ ਰਾਜਨ ਬਾਬੂਸਾ ਕੋਰਗਾਂਵਕਰ ਦੂਜੇ ਸਥਾਨ 'ਤੇ ਰਹੇ। ਉਨ੍ਹਾਂ ਨੂੰ 9645 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਜਿਤੇਂਦਰ ਗੋਵੰਕਰ ਨੂੰ ਤੀਜੇ ਸਥਾਨ ਤੋਂ ਸੰਤੋਸ਼ ਕਰਨਾ ਪਿਆ। ਉਨ੍ਹਾਂ ਨੂੰ 1827 ਵੋਟਾਂ ਮਿਲੀਆਂ।
ਥਿਵਿਮ: ਇਸ ਸੀਟ ਤੋਂ ਭਾਜਪਾ ਦੇ ਨੀਲਕੰਠ ਹਲਾਨੇਕਰ ਚੁਣੇ ਗਏ ਹਨ। ਉਨ੍ਹਾਂ ਨੂੰ 9414 ਵੋਟਾਂ ਮਿਲੀਆਂ। ਇੱਥੋਂ ਕਾਂਗਰਸ ਦੇ ਉਮੀਦਵਾਰ ਅਮਨ ਲੋਟਲੀਕਰ ਨੂੰ ਸਿਰਫ਼ 1262 ਵੋਟਾਂ ਮਿਲੀਆਂ। ਇਸ ਦੇ ਨਾਲ ਹੀ ਟੀਐਮਸੀ ਦੀ ਕਵਿਤਾ ਕੋਂਦੁਲਕਰ ਨੂੰ 7363 ਵੋਟਾਂ ਮਿਲੀਆਂ, ਜਦਕਿ ‘ਆਪ’ ਦੇ ਉਦੈ ਸਾਲਕਰ ਨੂੰ ਸਿਰਫ਼ 421 ਵੋਟਾਂ ਮਿਲੀਆਂ।
ਪੋਰਵੋਰਮ: ਭਾਰਤੀ ਜਨਤਾ ਪਾਰਟੀ ਦੇ ਰੋਹਨ ਖੁੰਟੇ ਨੇ ਇਹ ਵਿਧਾਨ ਸਭਾ ਚੋਣ ਜਿੱਤੀ ਹੈ। ਉਨ੍ਹਾਂ ਨੂੰ 11,714 ਵੋਟਾਂ ਮਿਲੀਆਂ। ਇਸ ਦੇ ਨਾਲ ਹੀ, ਇੱਥੋਂ ਕਾਂਗਰਸ ਅਤੇ ਤ੍ਰਿਣਮੂਲ ਦੇ ਉਮੀਦਵਾਰਾਂ ਨੂੰ ਕਰੀਬ 3000 ਵੋਟਾਂ ਮਿਲੀਆਂ।
ਪਣਜੀ: ਇੱਥੋਂ ਭਾਜਪਾ ਦੇ ਅਟਾਨਸੀਓ (ਬਾਬੂਸ਼) ਮੋਨਸੇਰਾ ਨੂੰ 6,787 ਵੋਟਾਂ ਮਿਲੀਆਂ। ਆਜ਼ਾਦ ਉਮੀਦਵਾਰ ਉਤਪਲ ਪਾਰੀਕਰ ਨੂੰ 6,071 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਐਲਵਿਸ ਗੋਮੇਜ਼ ਨੂੰ 3175 ਵੋਟਾਂ ਮਿਲੀਆਂ। ਇਸ ਦਾ ਮਤਲਬ ਹੈ ਕਿ ਜੇਕਰ ਕਾਂਗਰਸ ਨੇ ਉਤਪਲ ਦਾ ਸਮਰਥਨ ਕੀਤਾ ਹੁੰਦਾ ਤਾਂ ਉਹ ਚੁਣੇ ਜਾਣੇ ਸਨ।
ਮਾਯੇਮ: ਭਾਜਪਾ ਦੇ ਪ੍ਰੇਮੇਂਦਰ ਸੇਠ ਨੂੰ 7874 ਵੋਟਾਂ ਮਿਲੀਆਂ। ਕਾਂਗਰਸ ਨੇ ਇੱਥੋਂ ਕੋਈ ਉਮੀਦਵਾਰ ਨਹੀਂ ਖੜ੍ਹਾ ਕੀਤਾ ਪਰ ਰੈਵੋਲਿਊਸ਼ਨਰੀ ਗੋਆ ਪਾਰਟੀ, ਆਮ ਆਦਮੀ ਪਾਰਟੀ, ਮਹਾਰਾਸ਼ਟਰਵਾਦੀ ਗੋਮਾਂਤਕ ਪਾਰਟੀ ਅਤੇ ਗੋਆ ਫਾਰਵਰਡ ਪਾਰਟੀ ਦੇ ਉਮੀਦਵਾਰ ਮੈਦਾਨ ਵਿੱਚ ਸਨ। ਉਸ ਨੂੰ ਦੋ ਤੋਂ ਚਾਰ ਹਜ਼ਾਰ ਦੇ ਕਰੀਬ ਵੋਟਾਂ ਮਿਲੀਆਂ। ਇਸ ਦਾ ਫਾਇਦਾ ਭਾਜਪਾ ਨੂੰ ਹੋਇਆ।
ਇਹ ਵੀ ਪੜ੍ਹੋ: ਗੁਰੂਨਗਰੀ ’ਚ AAP ਦਾ ਜੇਤੂ ਮਾਰਚ
ਸੰਕਲਿ: ਇਸ ਵਿਧਾਨ ਸਭਾ ਸੀਟ ਤੋਂ ਭਾਜਪਾ ਦੇ ਪ੍ਰਮੋਦ ਸਾਵੰਤ ਨੂੰ ਕੁੱਲ 12,250 ਵੋਟਾਂ ਮਿਲੀਆਂ। ਇਸ ਦੇ ਨਾਲ ਹੀ ਕਾਂਗਰਸ ਦੇ ਧਰਮੇਸ਼ ਸੰਗਲਾਨੀ ਨੂੰ 11,584 ਵੋਟਾਂ ਮਿਲੀਆਂ। 'ਆਪ' ਦੇ ਮਨੋਜ ਕੁਮਾਰ ਘਾੜੀ ਨੂੰ 109 ਵੋਟਾਂ ਮਿਲੀਆਂ। ਜੇਕਰ ਕਾਂਗਰਸ ਅਤੇ 'ਆਪ' ਦੀਆਂ ਵੋਟਾਂ ਮਿਲ ਜਾਂਦੀਆਂ ਤਾਂ ਵੀ ਸਾਵੰਤ ਦੀ ਹਾਰ ਨਾ ਹੁੰਦੀ।
ਪੋਰੀਯਮ: ਭਾਜਪਾ ਦੀ ਦੇਵਯਾਨੀ ਰਾਣੇ ਨੂੰ 17,816 ਵੋਟਾਂ ਮਿਲੀਆਂ। ਉਨ੍ਹਾਂ ਦੇ ਵਿਰੋਧੀ ਉਮੀਦਵਾਰਾਂ ਨੂੰ ਬਹੁਤ ਘੱਟ ਵੋਟਾਂ ਮਿਲੀਆਂ। ਉਹ ਆਪਣੇ ਦਮ 'ਤੇ ਚੁਣੇ ਗਏ ਹਨ।
ਵਲਪਯੇ: ਭਾਜਪਾ ਦੇ ਵਿਸ਼ਵਜੀਤ ਰਾਣੇ ਨੂੰ 12,262 ਵੋਟਾਂ ਮਿਲੀਆਂ। ਉਨ੍ਹਾਂ ਦੀ ਵੋਟ ਦੇ ਨੇੜੇ ਕੋਈ ਉਮੀਦਵਾਰ ਨਹੀਂ ਸੀ।
ਪ੍ਰਿਯਾਲ: ਭਾਜਪਾ ਦੇ ਗੋਵਿੰਦ ਗਾਵੜੇ ਨੂੰ 11,019 ਵੋਟਾਂ ਮਿਲੀਆਂ। ਮਹਾਰਾਸ਼ਟਰਵਾਦੀ ਗੋਮਾਂਤਕ ਪਾਰਟੀ ਦੇ ਉਮੀਦਵਾਰ ਪਾਂਡੁਰੰਗ ਧਾਵਲੀਕਰ ਨੂੰ 10,806 ਵੋਟਾਂ ਮਿਲੀਆਂ ਜਦਕਿ ਕਾਂਗਰਸ ਦੇ ਦਿਨੇਸ਼ ਝਲਾਨੀ ਨੂੰ 303 ਵੋਟਾਂ ਮਿਲੀਆਂ। ਇੱਥੇ ਕਾਂਗਰਸੀ ਉਮੀਦਵਾਰ ਨੂੰ ਬਹੁਤ ਘੱਟ ਵੋਟਾਂ ਮਿਲੀਆਂ। ਇੱਥੋਂ ਕੋਈ ਟੀਐਮਸੀ ਜਾਂ ‘ਆਪ’ ਉਮੀਦਵਾਰ ਨਹੀਂ ਸੀ।
ਪੋਂਡਾ: ਇਸ ਵਿਧਾਨ ਸਭਾ ਸੀਟ ਤੋਂ ਭਾਜਪਾ ਦੇ ਰਵੀ ਨਾਇਕ ਨੂੰ 7,514 ਵੋਟਾਂ ਮਿਲੀਆਂ। ਐਮਜੀਪੀ ਦੇ ਕੇਤਨ ਭਾਟੀਕਰ ਨੂੰ 7,437 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਰਾਜੇਸ਼ ਵੀਰੇਂਕਰ ਨੂੰ 6,839 ਵੋਟਾਂ ਮਿਲੀਆਂ। ਇੱਥੇ ਕੋਈ ਟੀਐਮਸੀ ਜਾਂ ‘ਆਪ’ ਉਮੀਦਵਾਰ ਨਹੀਂ ਸੀ।
ਸਿਰੋਦਾ: 2022 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਦੇ ਸੁਭਾਸ਼ ਸਿਰੋਡਕਰ ਨੂੰ 8307 ਵੋਟਾਂ ਮਿਲੀਆਂ ਸਨ। ਕਾਂਗਰਸ ਦੇ ਤੁਕਾਰਾਮ ਬੋਰਕਰ ਨੂੰ 1953 ਵੋਟਾਂ ਮਿਲੀਆਂ। 'ਆਪ' ਦੇ ਮਹਾਦੇਵ ਨਾਇਕ ਨੂੰ 6133 ਵੋਟਾਂ ਮਿਲੀਆਂ। ਇਨ੍ਹਾਂ ਦੋਵਾਂ ਦੀਆਂ ਵੋਟਾਂ ਜੋੜਨ ਤੋਂ ਬਾਅਦ ਵੀ ਸਿਰੋਡਕਰ ਹਾਰੇ ਨਹੀਂ ਹਨ।
ਵਾਸਕੋ ਡਿਗਾਮਾ: ਭਾਜਪਾ ਦੇ ਕ੍ਰਿਸ਼ਨਾ ਸਾਲਕਰ ਨੂੰ 13,118 ਵੋਟਾਂ ਮਿਲੀਆਂ। ਕਾਂਗਰਸੀ ਉਮੀਦਵਾਰ ਜੋਸ਼ ਐਲਮਾਡਾ ਨੂੰ 9461 ਵੋਟਾਂ ਮਿਲੀਆਂ। ਟੀਐਮਸੀ ਦੇ ਸੈਫੁੱਲਾ ਖਾਨ ਨੂੰ 860 ਅਤੇ 'ਆਪ' ਦੇ ਸੁਨੀਲ ਲਾਰੈਂਟ ਨੂੰ 784 ਵੋਟਾਂ ਮਿਲੀਆਂ। ਇਨ੍ਹਾਂ ਤਿੰਨਾਂ ਦੀਆਂ ਵੋਟਾਂ ਜੋੜ ਕੇ ਵੀ ਉਹ ਭਾਜਪਾ ਉਮੀਦਵਾਰ ਨੂੰ ਹਰਾ ਨਹੀਂ ਸਕੇ।
ਸੈਨ ਵੋਰਡੇਮ: ਭਾਜਪਾ ਦੇ ਗਣੇਸ਼ ਗਾਓਂਕਰ ਨੂੰ 11,877 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਖੇਮਲੋ ਸਾਵੰਤ ਨੂੰ 383 ਵੋਟਾਂ ਮਿਲੀਆਂ। ਭਾਜਪਾ ਦੇ ਉਮੀਦਵਾਰ ਆਪਣੇ ਦਮ 'ਤੇ ਚੁਣੇ ਗਏ ਸਨ। ਇੱਥੇ 'ਆਪ' ਜਾਂ ਟੀਐਮਸੀ ਦਾ ਕੋਈ ਉਮੀਦਵਾਰ ਨਹੀਂ ਸੀ।
ਸੰਗਵੇਮ: ਭਾਜਪਾ ਦੇ ਸੁਭਾਸ਼ ਦੇਸਾਈ ਨੂੰ 8724 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਪ੍ਰਸਾਦ ਗਾਓਂਕਰ ਨੂੰ 4644 ਵੋਟਾਂ ਮਿਲੀਆਂ। ਟੀਐਮਸੀ ਦੀ ਰਾਖੀ ਨਾਇਕ ਨੂੰ 185 ਵੋਟਾਂ ਮਿਲੀਆਂ ਜਦਕਿ ਆਪ ਦੇ ਅਭਿਜੀਤ ਦੇਸਾਈ ਨੂੰ 894 ਵੋਟਾਂ ਮਿਲੀਆਂ। ਇੱਥੇ ਭਾਜਪਾ ਉਮੀਦਵਾਰ ਆਪਣੇ ਦਮ 'ਤੇ ਚੁਣਿਆ ਗਿਆ ਹੈ।
ਕਾਨਾਕੋਨਾ: ਇੱਥੋਂ ਭਾਜਪਾ ਦੇ ਰਮੇਸ਼ ਤਾਵਡਕਰ ਨੂੰ ਕੁੱਲ 9063 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਜਰਨਾਦਨ ਭੰਡਾਰੀ ਨੂੰ 5351 ਵੋਟਾਂ ਮਿਲੀਆਂ। ਟੀਐਮਸੀ ਦੇ ਮਹਾਦੇਵ ਦੇਸਾਈ ਨੂੰ 1066 ਵੋਟਾਂ ਮਿਲੀਆਂ ਜਦੋਂਕਿ ਅਨੂਪ ਖੁਦਾਰਕਰ ਨੂੰ 835 ਵੋਟਾਂ ਮਿਲੀਆਂ। ਇੱਥੇ ਵੀ ਜੇਕਰ ਤਿੰਨੋਂ ਪਾਰਟੀਆਂ ਦੀਆਂ ਵੋਟਾਂ ਜੋੜ ਦਿੱਤੀਆਂ ਜਾਣ ਤਾਂ ਭਾਜਪਾ ਉਮੀਦਵਾਰ ਦੀ ਹਾਰ ਨਹੀਂ ਹੋਣੀ ਸੀ।
ਇਹ ਵੀ ਪੜ੍ਹੋ: ਚੋਣ ਹਾਰ ਤੋਂ ਬਾਅਦ CWC ਦੀ ਬੈਠਕ ਅੱਜ, ਆ ਸਕਦੇ ਨੇ ਅਸਤੀਫ਼ੇ !
ਇਨ੍ਹਾਂ ਪੰਜ ਸੀਟਾਂ 'ਤੇ ਟੀਐਮਸੀ ਅਤੇ 'ਆਪ' ਨੇ ਕਾਂਗਰਸ ਦੇ ਉਮੀਦਵਾਰਾਂ ਨੂੰ ਹਰਾਇਆ
ਮਾਪੁਸਾ: ਇਸ ਵਿਧਾਨ ਸਭਾ ਸੀਟ 'ਤੇ ਭਾਜਪਾ ਦੇ ਜੋਸ਼ੂਆ ਡਿਸੂਜ਼ਾ ਨੂੰ 10,195 ਵੋਟਾਂ ਮਿਲੀਆਂ ਹਨ। ਕਾਂਗਰਸ ਦੇ ਸੁਧੀਰ ਕੰਡੋਲਕਰ ਨੂੰ 8548 ਵੋਟਾਂ ਮਿਲੀਆਂ। ਤ੍ਰਿਣਮੂਲ ਦੇ ਉਮੀਦਵਾਰ ਤਾਰਕ ਅਲੇਰਕਰ ਨੂੰ 1366 ਵੋਟਾਂ ਮਿਲੀਆਂ ਜਦਕਿ 'ਆਪ' ਦੇ ਰਾਹੁਲ ਮਹਾਮਬਰੇ ਨੂੰ 1511 ਵੋਟਾਂ ਮਿਲੀਆਂ। ਇੱਥੇ ਵੋਟਾਂ ਦੀ ਵੰਡ ਕਾਰਨ ਕਾਂਗਰਸੀ ਉਮੀਦਵਾਰ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਨਵਮਿਲੀ: ਭਾਜਪਾ ਦੇ ਉਲਹਾਸ ਤੁੰਕਰ ਨੂੰ 5168 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਅਵਤਾਰਨੋ ਨੂੰ 3806 ਵੋਟਾਂ ਮਿਲੀਆਂ। ਟੀਐਮਸੀ ਦੀ ਵਲੰਕਾ ਅਲੇਮਾਓ ਨੂੰ 4738 ਵੋਟਾਂ ਮਿਲੀਆਂ। ਆਮ ਆਦਮੀ ਪਾਰਟੀ ਦੀ ਉਮੀਦਵਾਰ ਪ੍ਰਤਿਮਾ ਕੌਟੀਨਹੋ ਨੂੰ 2327 ਵੋਟਾਂ ਮਿਲੀਆਂ। ਇਸ ਸੀਟ ਵੰਡ ਦਾ ਭਾਜਪਾ ਨੂੰ ਫਾਇਦਾ ਹੋਇਆ ਹੈ। ਇੱਥੇ ਵੋਟਾਂ ਦੀ ਵੰਡ ਕਾਰਨ ਕਾਂਗਰਸੀ ਉਮੀਦਵਾਰ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਕਰਚੋਰਮ: ਭਾਜਪਾ ਦੇ ਨੀਲੇਸ਼ ਕਾਬਰਾਲ ਨੂੰ ਕੁੱਲ 9973 ਵੋਟਾਂ ਮਿਲੀਆਂ। ਕਾਂਗਰਸ ਦੇ ਅਮਿਤ ਪਾਟਕਰ ਨੂੰ 9301 ਵੋਟਾਂ ਮਿਲੀਆਂ ਜਦਕਿ 'ਆਪ' ਦੇ ਗੈਬਰੀਅਲ ਫਰਨਾਂਡੀਜ਼ ਨੂੰ 830 ਵੋਟਾਂ ਮਿਲੀਆਂ। ਇੱਥੇ ਭਾਜਪਾ ਨੂੰ ਵੋਟਾਂ ਦੀ ਵੰਡ ਦਾ ਫਾਇਦਾ ਹੋਇਆ।
ਡਾਬੋਲਿਮ: ਭਾਜਪਾ ਦੇ ਮੌਵਿਨ ਗੋਡਿਨਹੋ ਨੂੰ 7594 ਵੋਟਾਂ ਮਿਲੀਆਂ। ਕਾਂਗਰਸ ਉਮੀਦਵਾਰ ਵਿਰਾਟੋ ਫਰਨਾਂਡੀਜ਼ ਨੂੰ 6,024 ਵੋਟਾਂ ਮਿਲੀਆਂ। ‘ਆਪ’ ਦੇ ਪ੍ਰੇਮਾਨੰਦ ਨਾਨੋਸਕਰ ਨੂੰ 2533 ਵੋਟਾਂ ਮਿਲੀਆਂ। ਟੀਐਮਸੀ ਦੇ ਮਹੇਸ਼ ਭੰਡਾਰੀ ਨੂੰ 159 ਵੋਟਾਂ ਮਿਲੀਆਂ। ਇੱਥੇ ਵੀ ਟੀਐਮਸੀ ਅਤੇ ਆਪ ਨੇ ਕਾਂਗਰਸ ਨੂੰ ਟੱਕਰ ਦਿੱਤੀ।
ਤਲਾਈਗਾਂਵ: ਇੱਥੋਂ ਭਾਜਪਾ ਦੀ ਜੈਨੀਫਰ ਮੋਨਸੇਰਾ ਨੂੰ 10,167 ਵੋਟਾਂ ਮਿਲੀਆਂ। ਕਾਂਗਰਸ ਉਮੀਦਵਾਰ ਟੋਨੀ ਰੌਡਰਿਗਜ਼ ਨੂੰ 8,126 ਵੋਟਾਂ ਮਿਲੀਆਂ। ਇੱਥੋਂ ‘ਆਪ’ ਦੀ ਸੇਸੀਲੀ ਰੌਡਰਿਗਜ਼ ਨੂੰ 2607 ਵੋਟਾਂ ਮਿਲੀਆਂ। ਜੇਕਰ ਇੱਥੇ 'ਆਪ' ਦਾ ਕੋਈ ਉਮੀਦਵਾਰ ਨਾ ਹੁੰਦਾ ਤਾਂ ਕਾਂਗਰਸ ਦੀ ਸੀਟ 'ਤੇ ਚੋਣ ਹੋਣੀ ਸੀ।
ਉਮੀਦਵਾਰਾਂ ਦੀ ਚੋਣ ਵਿੱਚ ਕਾਂਗਰਸ ਦੀ ਗ਼ਲਤੀ
ਗੋਆ ਵਿਧਾਨ ਸਭਾ ਚੋਣ 2022 ਦੀਆਂ ਕੁਝ ਸੀਟਾਂ 'ਤੇ ਕਾਂਗਰਸ ਉਮੀਦਵਾਰਾਂ ਨੂੰ ਪਈਆਂ ਵੋਟਾਂ ਦੀ ਗਿਣਤੀ ਬਹੁਤ ਘੱਟ ਹੈ। ਕੁਝ ਉਮੀਦਵਾਰਾਂ ਨੂੰ 500 ਤੋਂ ਵੀ ਘੱਟ ਵੋਟਾਂ ਮਿਲੀਆਂ। ਪ੍ਰਿਓਲ ਵਿਧਾਨ ਸਭਾ ਹਲਕੇ ਵਿੱਚ ਕਾਂਗਰਸ ਉਮੀਦਵਾਰ ਨੂੰ ਸਿਰਫ਼ 303 ਵੋਟਾਂ ਮਿਲੀਆਂ, ਇਸ ਲਈ ਇਹ ਕਹਿਣਾ ਬਣਦਾ ਹੈ ਕਿ ਕਾਂਗਰਸ ਨੇ ਉਮੀਦਵਾਰ ਚੁਣਨ ਵਿੱਚ ਗਲਤੀ ਕੀਤੀ।
