ਮਾਮੂਲੀ ਝਗੜੇ ਪਿੱਛੇ ਛੋਟਾ ਭਰਾ ਬਣਿਆ ਵੱਡੇ ਭਰਾ ਦਾ ਕਾਤਲ, ਘਰ 'ਚ ਵਿਛੇ ਸੱਥਰ

ਮਾਨਸਾ: ਪਿੰਡ ਭੰਮੇ ਕਲਾਂ 'ਚ ਛੋਟੇ ਭਰਾ ਨੇ ਆਪਣੇ ਵੱਡੇ ਭਰਾ ਦੇ ਸਿਰ 'ਤੇ ਵਾਰ ਕਰਕੇ ਕਤਲ ਕਰ ਦਿੱਤਾ। ਦੋਵਾਂ ਭਰਾਵਾਂ 'ਚ ਮਾਮੂਲੀ ਗੱਲ ਨੂੰ ਲੈ ਕੇ ਝੱਗੜਾ ਹੋ ਗਿਆ ਸੀ। ਇਸ ਤੋਂ ਬਾਅਦ ਗੁੱਸੇ 'ਚ ਆਏ ਛੋਟੇ ਭਰਾ ਕਾਲਾ ਸਿੰਘ ਵੱਲੋਂ ਆਪਣੇ ਵੱਡੇ ਭਰਾ ਗੁਰਪ੍ਰੀਤ ਸਿੰਘ ਦਾ ਸਿਰ 'ਚ ਘੋਟਨਾਂ ਮਾਰ ਦਿੱਤਾ ਗਿਆ ਅਤੇ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਜਦਕਿ ਕਤਲ ਤੋਂ ਬਾਅਦ ਛੋਟਾ ਭਰਾ ਮੌਕੇ ਤੋਂ ਫਰਾਰ ਹੋ ਗਿਆ। ਪੁਲਿਸ ਉਸ ਦੀ ਭਾਲ ਕਰ ਰਹੀ ਹੈ। ਪਰਿਵਾਰ ਵੱਲੋਂ ਲੋਨ ਲਿਆ ਗਿਆ ਸੀ ਜਿਸ ਦੀ ਕਿਸ਼ਤ ਭਰਨ ਨੂੰ ਲੈ ਕੇ ਆਪਸ 'ਚ ਦੋਵੇਂ ਲੜੇ ਸਨ।