ਹੈਦਰਾਬਾਦ: ਇੰਡੋਨੇਸ਼ੀਆ ਨੇ ਦੇਸ਼ 'ਚ iPhone 16 ਦੀ ਵਿਕਰੀ, ਖਰੀਦ ਅਤੇ ਵਰਤੋਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਖਪਤਕਾਰਾਂ ਨੂੰ ਵਿਦੇਸ਼ਾਂ ਤੋਂ ਡਿਵਾਈਸ ਖਰੀਦਣ ਤੋਂ ਵੀ ਸੁਚੇਤ ਕੀਤਾ ਗਿਆ ਹੈ। ਇਸ ਬਾਰੇ ਸਾਵਧਾਨ ਕਰਦੇ ਹੋਏ ਉਦਯੋਗ ਮੰਤਰੀ ਆਗੁਸ ਗੁਮੀਵਾਂਗ ਕਾਰਟਾਸਮਿਤਾ ਨੇ ਐਲਾਨ ਕੀਤਾ ਹੈ ਕਿ ਦੇਸ਼ ਵਿੱਚ ਐਪਲ ਦੇ ਕਿਸੇ ਵੀ ਨਵੇਂ ਮਾਡਲ ਨੂੰ ਚਲਾਉਣਾ ਗੈਰ-ਕਾਨੂੰਨੀ ਮੰਨਿਆ ਜਾਵੇਗਾ।
ਜਾਣਕਾਰੀ ਮੁਤਾਬਕ, ਆਈਫੋਨ 16 ਅਤੇ ਆਈਫੋਨ 16 ਪ੍ਰੋ ਮਾਡਲਾਂ ਤੋਂ ਇਲਾਵਾ ਐਪਲ ਵਾਚ ਸੀਰੀਜ਼ 10 ਵੀ ਪਾਬੰਦੀਸ਼ੁਦਾ ਡਿਵਾਈਸਾਂ ਦੀ ਸੂਚੀ 'ਚ ਸ਼ਾਮਲ ਹੈ। ਮੰਤਰੀ ਨੇ ਕਿਹਾ ਕਿ ਦੇਸ਼ 'ਚ ਚੱਲ ਰਹੇ ਆਈਫੋਨ 16 ਨੂੰ ਗੈਰ-ਕਾਨੂੰਨੀ ਡਿਵਾਈਸ ਮੰਨਿਆ ਜਾਵੇਗਾ। ਕਰਤਾਰਸਮਿਤਾ ਨੇ ਲੋਕਾਂ ਨੂੰ ਅਜਿਹੇ ਮਾਮਲਿਆਂ ਦੀ ਰਿਪੋਰਟ ਕਰਨ ਲਈ ਪ੍ਰੇਰਿਤ ਵੀ ਕੀਤਾ ਹੈ।
ਮੰਤਰੀ ਨੇ ਅੱਗੇ ਦੱਸਿਆ ਕਿ ਡਿਵਾਈਸ ਨੂੰ ਦੇਸ਼ ਵਿੱਚ ਸੰਚਾਲਨ ਲਈ ਲੋੜੀਂਦਾ ਅੰਤਰਰਾਸ਼ਟਰੀ ਮੋਬਾਈਲ ਉਪਕਰਣ ਪਛਾਣ (IMEI) ਪ੍ਰਮਾਣੀਕਰਣ ਨਹੀਂ ਦਿੱਤਾ ਗਿਆ ਹੈ। ਵਰਤਮਾਨ ਵਿੱਚ ਆਈਫੋਨ 16 ਸੀਰੀਜ਼ ਇੰਡੋਨੇਸ਼ੀਆ ਵਿੱਚ ਪ੍ਰਮੁੱਖ ਈ-ਕਾਮਰਸ ਪਲੇਟਫਾਰਮਾਂ 'ਤੇ ਸੂਚੀਬੱਧ ਨਹੀਂ ਹੈ, ਜਿਸ ਵਿੱਚ ਐਪਲ ਦੀ ਅਧਿਕਾਰਤ ਵੈੱਬਸਾਈਟ ਵੀ ਸ਼ਾਮਲ ਹੈ। ਇਨ੍ਹਾਂ ਵੈੱਬਸਾਈਟਾਂ 'ਤੇ ਆਈਫੋਨ ਦੇ ਨਵੇਂ ਮਾਡਲਾਂ ਦੀ ਅਣਹੋਂਦ ਦੱਸਦੀ ਹੈ ਕਿ ਪਾਬੰਦੀ ਪਹਿਲਾਂ ਹੀ ਲਾਗੂ ਹੈ।-ਮੰਤਰੀ
ਇੰਡੋਨੇਸ਼ੀਆ ਨੇ ਆਈਫੋਨ 16 'ਤੇ ਪਾਬੰਦੀ ਕਿਉਂ ਲਗਾਈ ਹੈ?
ਕਾਰਤਸਮਿਤਾ ਨੇ ਹਾਈਲਾਈਟ ਕੀਤਾ ਹੈ ਕਿ ਐਪਲ ਦੇ ਆਈਫੋਨ 16 ਅਤੇ ਹੋਰ ਨਵੇਂ ਮਾਡਲਾਂ 'ਤੇ ਪਾਬੰਦੀ ਇੰਡੋਨੇਸ਼ੀਆ ਵਿੱਚ ਨਿਵੇਸ਼ ਪ੍ਰਤੀਬੱਧਤਾਵਾਂ ਨੂੰ ਪੂਰਾ ਨਾ ਕਰਨ ਕਾਰਨ ਹੈ। ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਐਪਲ ਨੇ 1.71 ਟ੍ਰਿਲੀਅਨ ਰੁਪਏ ਦੇ ਵਾਅਦੇ ਕੀਤੇ ਨਿਵੇਸ਼ ਵਿੱਚੋਂ ਦੇਸ਼ ਵਿੱਚ 1.48 ਟ੍ਰਿਲੀਅਨ ਰੁਪਏ ਦਾ ਨਿਵੇਸ਼ ਕੀਤਾ ਹੈ। ਇਸ ਨਾਲ 230 ਬਿਲੀਅਨ ਰੁਪਏ ਦਾ ਪਾੜਾ ਰਹਿੰਦਾ ਹੈ। ਮੰਤਰੀ ਨੇ ਕਿਹਾ ਕਿ ਇਹੀ ਕਾਰਨ ਹੈ ਕਿ ਉਦਯੋਗ ਮੰਤਰਾਲੇ ਨੇ ਇੰਡੋਨੇਸ਼ੀਆ ਵਿੱਚ ਆਈਫੋਨ 16 ਦੀ ਵਿਕਰੀ ਲਈ ਜ਼ਰੂਰੀ ਪਰਮਿਟ ਜਾਰੀ ਨਹੀਂ ਕੀਤੇ ਹਨ। ਇਸ ਵਿੱਚ ਘਰੇਲੂ ਕੰਪੋਨੈਂਟ ਪੱਧਰ TKDN ਪ੍ਰਮਾਣੀਕਰਣ ਦਾ ਬਕਾਇਆ ਜਾਰੀ ਕਰਨਾ ਵੀ ਸ਼ਾਮਲ ਹੈ।
ਇਸ ਪ੍ਰਮਾਣੀਕਰਣ ਦੇ ਅਨੁਸਾਰ, ਇੰਡੋਨੇਸ਼ੀਆ ਵਿੱਚ ਵੇਚੇ ਜਾਣ ਵਾਲੇ ਵਿਦੇਸ਼ੀ ਉਪਕਰਣਾਂ ਲਈ 40 ਫੀਸਦੀ ਸਥਾਨਕ ਸਮੱਗਰੀ ਦੀ ਜ਼ਰੂਰਤ ਲਾਜ਼ਮੀ ਹੈ। ਇਹ ਦੇਸ਼ ਵਿੱਚ ਇੱਕ ਖੋਜ ਅਤੇ ਵਿਕਾਸ ਕੇਂਦਰ ਸਥਾਪਤ ਕਰਨ ਲਈ ਆਈਫੋਨ ਨਿਰਮਾਤਾ ਦੀ ਵਚਨਬੱਧਤਾ ਨਾਲ ਸਿੱਧਾ ਜੁੜਿਆ ਹੋਇਆ ਹੈ।
ਇਹ ਵੀ ਪੜ੍ਹੋ:-
